ဆရာကြီးဂူလန်၏ပညာရေးအမြင် (၃)

ဆရာကြီးဂူလန်၏ပညာရေးအမြင် (၃)

ပူးပေါင်းဆောင်ရွက်မှုအားနည်းခြင်း သို့မဟုတ် ပြိုင်ဆိုင်မှုနှင့် အပြန်အလှန်ဆန့်ကျင်ဝေဖန်မှုအပေါ် အခြေခံသော ပညာရေးစနစ်မှာ ဆရာကြီးအပေါ် သိပ္ပံနှင့်ဘာသာတရားကို မည်သည့်အခါမျှ ပေါင်းစည်းမပေးနိုင် သည့်ခါးသီးသော ရုန်းကန်မှုတစ်ခုပင် ဖြစ်သည်။ ဆယ့်ကိုးရာစုမှ နှစ်ဆယ်ရာစုကာလအတွင်း ပညာရှင်များ၊ နိုင်ငံရေးသမားများနှင့် ဘာသာရေးခေါင်းဆောင်များ၏စွမ်းရည်များကို အသုံးချ၍ ဘာသာရေးနှင့် သိပ္ပံတို့အား လမ်းခွဲစေသည့် အယူအဆမှားတစ်ခုအပေါ် ငြင်းခုံဆွေးနွေးခြဲ့ကသည်။

အကျိုးဆက်အဖြစ် ၎င်းတို့နှစ်ခုသီးခြားစီဖြာထွက်စေသည့် ပညာရေးအတွေးအခေါ်များနှင့် နည်းစနစ် များ ပေါ်ထွက်လာသည်။ ခေတ်သစ် ခေတ်ပညာသင်ကြားပေးသည့်ဆရာ၊ ဆရာမများက ဘာသာရေးကို အချိန် ဖြုန်းတီးခြင်းနှင့် တိုးတက်မှု၏အဟန့်အတားအဖြစ် မြင်ကြသည်။ ဘာသာရေးပညာရှင်များကြားတွင်လည်း ခေတ်ဆန်ခြင်းနှင့် ဘာသာရေးကို နိုင်ငံရေးအတွေးအခေါ်အဖြစ် အသုံးချခြင်းထက် ၎င်း၏စစ်မှန်သော အနှစ်သာ ရအတိုင်း ဆောင်ရွက်ခြင်းခေါင်းစဉ်ဖြင့် ငြင်းခုံဆွေးနွေးသူများရှိသည်။ သိပ္ပံပညာရှင်များ၌ ခိုင်မာသော သိပ္ပံ ဗဟုသုတများရှိခြင်းနှင့် ဘာသာရေးပညာရှင်များ၌ ဘာသာရေးနှင့် နာမ်ရေးရာစံနှုန်းတန်ဖိုးရှိခြင်းကို ရေရှည် ငြင်းခုံလာခြဲ့ကသည်။

ဘာသာရေးနှင့် သိပ္ပံကြားတင်းမာမှုကို အဆုံးသတ်စေမည်၊ သို့မဟုတ် အနည်းဆုံးယုတ္တိမတန်သော အဓိပ္ပါယ်မဲ့စွပ်စွဲမှုများကို ဖယ်ရှားနိုင်လိမ့်မည်။ ပညာရေးအစီအစဉ်များသည် ထိုသို့ဖြစ်လာအောင် ဆောင်ကျဉ်း ပေးနိုင်ရမည်ဟု ဆရာကြီးက ခံယူထားသည်။ ထိုသို့သော ပညာရေးစနစ်မျိုးပေါ်ထွက်လာရန် ဆရာကြီးက ပညာရေးတွင် စနစ်သစ်တစ်ခုဖြင့် အစားထိုးရန် လိုအပ်ကြောင်းကို ယုံကြည်သည်။ ထိုစနစ်သစ်တွင် ဘာသာ ရေးနှင့် သိပ္ပံရေးပညာဗဟုသုတကို ကိုယ်ကျင့်တရားနှင့် နာမ်ရေးရာလေ့ကျင့်သင်ကြားမှုများဖြင့် ပေါင်းစပ်လျက် စစ်မှန်သော ဉာဏ်အလင်းရရှိနိုင်သောပုဂ္ဂိုလ်များ ပေါ်ထွက်နိုင်ရမည်။

ကျောင်းသားများ၏နှလုံးသားကို သိပ္ပံပညာနှင့်နာမ်ရေးရာရှုထောင့်အမြင်များဖြင့် လင်းဝင်းစေပြီး ၎င်း တို့၏ အသိတရား၌ အကျိုးရှိသော သိပ္ပံအကြောင်းအချက်များ မြင်သာအောင်လုပ်ရမည်။ လူသားဆန်မှုနှင့်ဆိုင် သော အရည်အသွေးများ၊ ကိုယ်ကျင့်တရားဆိုင်ရာ စံနှုန်းတန်ဖိုးများနှင့်အညီ လူသားအကျိုးပြုလုပ်ငန်း၌ စေတ နာပါပါ ဆောင်ရွက်သူများပေါ်ထွက်စေရမည်။

လူမှုစီးပွားရေးနှင့် နိုင်ငံရေးအခြေအနေများကိုလည်း ခေတ်နှင့်အညီ ထည့်သွင်းစဉ်းစားပြီး တွက်ချက် လုပ်ဆောင်နိုင်သူများ ဖြစ်စေရမည်။ လူမှုရေးအသိ၊ ကိုယ်ကျင့်တရားတိုးတက်မှု၊ သိပ္ပံအမြင်နှင့် တက်ကြွသည့် နာမ်ရေးရာတိုးတက်မှုများအား စုစည်းထားခြင်းကို ကျောင်း၏ပညာရေးရည်မှန်းချက်အဖြစ် ထားရှိခြင်းဖြင့် စံပြ အတုယူဖွယ်ရာ၊ အတတ်နိုင်ဆုံးရဲရင့်ပြီး ကြိုးပမ်းအားထုတ်တတ်သော ပုဂ္ဂိုလ်များပေါ်ထွက်စေရမည်။ ဤပညာ ရေးဆိုင်ရာအတွေးအခေါ်ကို လက်တွေ့ကျကျစမ်းသပ်နိုင်သည့် တစ်ခုတည်းသောနည်းစနစ်မှာ ဆရာကြီးဂူလန် က အဆိုပါ စည်းမျဉ်းများပေါ်မူတည်၍ အောင်မြင်ကျော်ကြားသော ကျောင်းများဖွင့်လှစ်နိုင်အောင်မည်သို့ဆောင် ရွက်ခဲ့သည်ကို စူးစမ်းလေ့လာခြင်းသာ ဖြစ်သည်။ ဤအကြောင်းနှင့်စပ်လျဉ်း၍ အသေးစိတ်ကိုနောက်ပိုင်းတွင် ဆက်လက်ဖော်ပြပါလိမ့်မည်။

ဆရာကြီးရေးသားခဲ့သော ပညာရေးဆိုင်ရာအကြောင်း အရာများတွင် ဝေါဟာရအသုံးအနှုန်းအမျိုးမျိုးကို ထပ်တလဲလဲ တွေ့ရပြီး ၎င်းတို့အား နားလည်မှုမလွဲမှားမိစေရန် အသေအချာ ဆန်းစစ်ဖို့လိုသည်။ ပထမအချက် က နာမ်ရေးရာနှင့် နာမ်ရေးရာတန်ဖိုးများဖြစ်သည်။ တချို့က နာမ်ရေးရာဟုမြင်လိုက်သည်နှင့် ဘာသာရေးကို သာ တန်းမြင်ကောင်းမြင်နိုင်သည်။ ခေတ်သစ်လောကီလူ့အဖွဲ့အစည်းနှင့်မဆိုင်သော ဘာသာရေးသဘောထား အဖြစ် မှတ်ယူကာ ဆန့်ကျင်ကန့်ကွက်နိုင်သည်။ သို့သော် ဆရာကြီး၏ အဆိုပါဝေါဟာရအသုံးအနှုန်းများမှာ အလွန်ကျယ်ပြန့်ကြောင်း ထင်ရှားပေါ်လွင်နေသည်။

ဆရာကြီးအနေဖြင့် နာမ်ရေးရာတွင် ဘာသာရေးကိုသာ အထူးပြုသင်ကြားခြင်းမဟုတ်ဘဲ ကိုယ်ကျင့် တရား၊ ယုတ္တိဗေဒ၊ စိတ်ပိုင်းဆိုင်ရာလိုအပ်ချက်နှင့် ထိရောက်သည့် ပွင့်လင်းမြင်သာမှုစသည်တို့ ပါဝင်သည်။ ဆရာကြီးအရေးအသား၌ အဓိကအခရာအကျဆုံးဝေါဟာရမှာ မေတ္တာတရားနှင့် သဘောထားကြီးမှုတို့ဖြစ်သည်။ ကျောင်းသားများအား သင်ကြားလေ့ကျင့်သည့်နေရာတွင် တိကျသောစည်းမျဉ်းစည်းကမ်းများအပြင် မတိုင်းတာ နိုင်သည့် အရည်အသွေးများရှိလာအောင်လည်း ပညာရေး၏အဓိကတာဝန်တစ်ရပ်အဖြစ် ထည့်သွင်းထားရမည်။

ဆရာကြီးမကြာခဏသုံးလေ့သုံးထရှိသော ဝေါဟာရတိုင်းအား ဆန်းစစ်ရန်လိုသည်။ ဆရာကြီးကယဉ် ကျေးမှုဝေါဟာရများ၏တန်ဖိုးကို ထိန်းသိမ်းစောင့်ရှောက်ရန်လိုသည်ဟု မကြာခဏပြောလေ့ရှိသည်။ယဉ်ကျေးမှု ဓလေ့ထုံးစံဆိုင်ရာတန်ဖိုးများကိုပညာရေး၌ ထည့်သွင်းဖော်ပြရန်လိုအပ်ကြောင်း စတင်ပြောဆိုသည့်အခါ ဆရာ ကြီးစကားကို လွဲမှားစွာအဓိပ္ပါယ်ကောက်ပြီး အော်တိုမန်ခေတ်ကိုပြန်သူအဖြစ် ဆန့်ကျင်ဝေဖန်ကြသည်။ အကျိုး ဆက်အဖြစ် ဆရာကြီးအား တန်ပြန်တော်လှန်ရေးသမား သို့မဟုတ် အခြေခံဝါဒီအဖြစ် စွပ်စွဲကြသည်။ ထိုစွပ်စွဲ ချက်များမှာ မဟုတ်မမှန်ကြောင်း ဆရာကြီးက ငြင်းပယ်ပြီး ဤသို့ ပြန်လည်ချေပခဲ့သည်။

ဆရာကြီးက တူရကီစကားအိရ်သီဂျာ(irtica) အဓိပ္ပါယ်မှာ အတိတ်မှမှတ်သားစရာများဖြင့် အနာဂတ်ကို တိုးတက်အောင်လုပ်ခြင်း ဖြစ်သည်။ ကျွန်တော်သည် ထာဝရကို မိမိ၏ပန်းတိုင်အဖြစ်ရွေးချယ်ထားသည့်အတွက် ကျွန်ုပ်အတွက် ပန်းတိုင်ဟူသည် နက်ဖြန်အတွက်သာမဟုတ်ဘဲ ထာဝရအတွက်ဖြစ်သည်။ ကျွန်တော်က နိုင်ငံ၏ အနာဂတ်အတွက် မည်သို့ထောက်ပံ့နိုင်မည်ကို တွေးတောသည်။ ကျွန်တော်တို့နိုင်ငံကို နောက်ပြန်ဆုတ်စေ သည့် အရေးအသားအပြောအဆိုနှင့် မည်သည့်လုပ်ရပ်မျှ ကျွန်တော် မည်သည့်အခါမျှ မလုပ်ခဲ့ပါ။

သို့သော် မည်သူတစ်ဦးတစ်ယောက်ကမျှ တစ်ပါးတည်းသောအရှင်အား ယုံကြည်ကိုးကွယ်ခြင်း၊ ကိုယ် ကျင့်တရားဆိုင်ရာ တန်ဖိုးများအကြောင်းရေးသားခြင်း၊ ခေတ်ပေါ်ကန့်သတ်မဲ့ အကြောင်းအရာများ စုစည်းပါဝင် သော အိရ်သီဂျာဟူသောစကားလုံးကို ဘာသာရေးဟုခေါင်းစဉ်တပ်ပြီး ကျွန်တော့်အားအခြေခံဝါဒီ ဟုမစွပ်စွဲနိုင် ပါ။ ယဉ်ကျေးမှုဓလေ့ထုံးစံဆိုင်ရာ တန်ဖိုးများအား ပညာရေး၌ထည့်သွင်းသင်ကြားရန် အဆိုပြုခြင်းသည် တူရကီ နိုင်ငံ၏ရှည်လျားသော အတိတ်သမိုင်းကိုသတိရစေပြီး မျိုးဆက်သစ်က စံနမူနာယူရမည့် အမြော်အမြင်များ အတိတ်၌ ရှိနေကြောင်းကို ထောက်ပြခြင်းသာ ဖြစ်သည်။ ယနေ့ခေတ် လူ့ဘောင်အဖွဲ့အစည်း၏လိုအပ်ချက်နှင့် ဆက်နွယ်နေသည့် စံနမူနာများအစဉ်အလာအဖြစ်ရှိခဲ့သော အတိတ်၌ရှိကြောင်းကိုထောက်ပြခြင်းသာဖြစ်သည်။

အကြောင်းမှာ အတိတ်သမိုင်း၌ရှိခဲ့သော အဆိုပါစံနမူနာကောင်းများ၌ အမြော်အမြင်ရှိသော ပညာရပ် များ စုစည်းပါဝင်၍ ၎င်းတို့ကိုမစွန့်ပစ်နိုင်ပေ။ အခြားတစ်ဖက်တွင် အတိတ်ကိုသာ မှီခိုပြီးနိုင်ငံတော်တည်ဆောက် ရန် ကြိုးစားခြင်းသည် အမြင်ကျဉ်းမှုသာဖြစ်ပြီး ဆုံးရှုံးမှုနှင့်ရင်ဆိုင်ရမည်။ တစ်ဦးတစ်ယောက်က အတိတ်၌ရှိခဲ့ သော အော်တိုမန်အမွေအနှစ်များအား ခေတ်မဆန်သည့်အတွက် ပယ်ဖျက်ကောင်း ပယ်ဖျက်နိုင်သည်။ ဆရာ ကြီးကမူ ထိုသို့ လုံးဝပယ်ဖျက်ရန် ကြိုးစားခြင်းကိုလည်းကောင်း၊ ခေတ်နှင့်လိုက်လျောညီထွေမှုမရှိသော ရှေးရိုး စွဲဖြင့် နိုင်ငံတော်အား ပြန်လည်ထူထောင်ခြင်းကိုလည်းကောင်း ဆန့်ကျင်ပယ်ချသည်။ စံနမူနာယူရမည့် မင်္ဂလာ ရှိ အမြော်အမြင်များစွာ ရောနှောပါဝင်နေသော အတိတ်သမိုင်းအား ခေတ်သစ်ပြုပြင်ရေးသမားများက “အတိတ် နှောင်ကြိုးဟူသမျှမှ ကင်းစင်ရေး”ဟုဆိုကာ လုံးဝအမြစ်ဖြတ်လိုကြသည်။

Thomas Michel

Peace And Dialogue In A Plural Society

Related Post

မိမိကိုယ်ကိုနှိမ့်ချတတ်သူ

မိမိကိုယ်ကိုနှိမ့်ချတတ်သူ

မိမိကိုယ်ကိုနိမ့်ချတတ်သူသည်သာ စစ်မှန်သော စေတနာဖြူစင်မှုဖြင့် လုပ်ဆောင်နိုင်သူဖြစ်သည်။ ဂူလန်ရှင်းပြသကဲ့သို့ မိမိကိုယ်ကိုနိမ့်ချသူများ မိမိတို့၏ကြိုးပမ်းမှုကြောင့်ထွက်ပေါ်လာသည့် အကျိုးကျေးဇူးများ ကို မိမိတို့ကြောင့် ထိုသို့အောင်မြင်သည်ဟု မမှတ်ကြပေ။ သူတို့၏ကြိုးပမ်းမှုနှင့် အောင်မြင်မှုများကြောင့် တခြား…

Leave a Reply

Your email address will not be published. Required fields are marked *