ပညာရေးအားဖြင့်သာ လူ့ဘောင်အဖွဲ့အစည်းအား ပြုပြင်ပြောင်းလဲနိုင်မည်

ပညာရေးအားဖြင့်သာ လူ့ဘောင်အဖွဲ့အစည်းအား ပြုပြင်ပြောင်းလဲနိုင်မည်

တူရကီစကားလုံး “အခြေခံဝါဒီ” သို့မဟုတ် “တန်ပြန်တော်လှန်ရေးသမား” ဟု အဓိပ္ပါယ်ရသည့် အသုံး အနှုန်းဖြင့် ဆရာကြီးဂူလန်အား အခြေအမြစ်မရှိသော စွပ်စွဲချက်မျိုးဖြင့် မကြာခဏ ဝေဖန်သည်ကို သူက အစဉ်ငြင်း ပယ်လေ့ရှိသည်။ “ယဉ်ကျေးမှုဖြင့် အစဉ်အလာထိန်းသိမ်းစို့”ဟူသော ဆောင်ပုဒ်ဖြင့် သူက ရှည် လျားသော အတိတ်သမိုင်းကို သတိရစေပြီး ၎င်း၌ခေတ်သစ်လူတို့ အတုယူဖွယ် ပညာအမြော်အမြင်များ စုစည်းပါဝင်နေသည်ဟူ၏။ ထိုသို့ ဉာဏ်ပညာများ စုစည်းထားသောကြောင့် အတိတ်သမိုင်းကို စွန့်ပစ်မထား သင့်ပေ။

အခြားတစ်ဖက်တွင် အတိတ်သမိုင်းပုံစံအတိုင်း ခေတ်သစ်လူ့အဖွဲ့အစည်းတည်ဆောက်ရန် ကြိုးစား ခြင်းသည် အမြင်ကျဉ်းရုံမက ပျက်စီးဆုံးရှုံးမှုများကို ရင်ဆိုင်ရလိမ့်မည်။ ဂူလန်ကအတိတ်ကာလရှိ အော်တိုမန် အမွေအနှစ်များအား ဖျက်ဆီးရန်ကြိုးစားခြင်းကို ဆန့်ကျင်သလို ခေတ်နောက်ပြန်ဆုန်ရန် ကြိုးစားခြင်းကိုလည်း ထပ်တူထပ်မျှ ဆန့်ကျင်ကန့်ကွက်သည်။ ဆရာကြီးဂူလန်က အတိတ်ကာလကို ကောင်းချီးမင်္ဂလာများပေါင်း စပ်ပါဝင်နေသည့်အရာအဖြစ် သဘောထားသော်လည်း ခေတ်သစ်ပညာရှင်တချို့က “အတိတ်နှောင်ကြိုးမှန်သ မျှမှ လုံးဝလွတ်လပ်ရန်၎င်းတို့ကို အမြစ်ဖြတ်ချေမှုန်း”ရန် လိုလားကြသည်။

အဆိုပါအတိတ်သမိုင်း၏ အမွေအနှစ်များတွင် ဖိနှိပ်ချုပ်ချယ်မှုရေစီးကြောင်း သို့မဟုတ် အနှစ်သာရ ပျောက်ဆုံးစေသည့် လှုံ့ဆော်မှုများပါဝင်ပြီး ၎င်းတို့ကို ပြန်လည်အစားထိုးနိုင်မည်မဟုတ်သည်ကို သံသယဖြစ် စရာမလိုပေ။ သို့သော် အစဉ်အလာ၌ရှိသော လွတ်မြောက်ရေးနှင့် လူသားဆန်မှုဆိုင်ရာကိစ္စရပ်များကို မျိုးဆက် သစ်၏အနာဂတ် တိုးတက်ကောင်းမွန်စေရန်အလို့ငှာ ပြန်လည်ဆန်းစစ်ပြီးမှ အတည်ပြုရမည်။

ယနေ့ကြုံတွေ့နေရသော စိန်ခေါ်မှုမှာ “ယခင်မျိုးဆက်များ၏အတွေ့အကြုံကောင်းများ အသုံးပြုပြီး လတ်တလော အခြေအနေများအား အကဲဖြတ်ရန်”ပင်ဖြစ်သည်။ သူ၏အတွေးအခေါ်သည် ပြည်တွင်းနိုင်ငံရေး ဦးတည်ချက်နှင့် မွတ်စလင်လူ့အဖွဲ့အစည်း၏ အနာဂတ်တိုးတက်ရေးအတွက် ဘောင်ကန့်သတ်ထားသည် မဟုတ်ဘဲ လူသားအားလုံး၏အနာဂတ် အကျုံးဝင်နေသည်။

သူ့ပညာရေးအမြင်ကို သူ၏ဘာသာရေးတာဝန်ဝတ္တရားကျေပွန်မှုအားဖြင့် ပုံဖော်ထားပြီး ဘာသာရေး သွန်သင်မှု၌ ပြဋ္ဌာန်းဖော်ပြထားသော အမြတ်တနိုးထားဖွယ်ရာ လူ့တန်ဖိုးအားဖြင့် အနာဂတ်ကမ္ဘာသစ်ဆီ တက် လှမ်းနိုင်ရန် မျှော်လင့်သည်။ ဤသည်ကို သူက ဘာသာရေးပြန်လည်လန်းဆန်းထွန်းကားခြင်းဟု မြင်သည်။

လွန်ခဲ့သော ရာစုနှစ်များ၌ သိပ္ပံနှင့်နည်းပညာတိုးတက်ပြောင်းလဲမှုနှင့်အတူ ကမ္ဘာအနှံ့တွင် အစဉ်အ လာအရရှိခဲ့သော စံနှုန်းတန်ဖိုးများကိုလည်း အမြစ်ဖြတ်ချေမှုန်းခဲ့ကြသည်။ အသစ်အဆန်းဟူသော အမည်ဖြင့် ကွဲပြားခြားနားသော အတွေးအခေါ်၊ တန်ဖိုးများနှင့် စိတ်ကူးယဉ်ထင်မြင်ချက်များကိုလည်း အမှန်တရားသ ယောင်ယောင် သုံးစွဲလာခဲ့ကြသည်။ သို့သော် ကျွန်တော်တို့မျှော်လင့်ထားသည်မှာ လာမည့်ရာစုသစ်သည် ယုံကြည်မှုနှင့် ကိုယ်ကျင့်တရားတန်ဖိုးများကို အလေးပေးသောရာစုနှစ်ဖြစ်လိမ့်မည်။ ယုံကြည်သူများအတွက် လန်းဆန်းသစ်လွင်ပြီး အတွေးအခေါ်သစ်များ ပြန်လည်ထွန်းကားမည့်ရာစုနှစ်အဖြစ် သက်သေထူလိမ့်မည်ဟု ဂူလန်က မိန့်ဆိုခဲ့သည်။

ဆရာကြီးဂူလန်အဆိုအရ ပညာရေးသည် လူသားတို့၏ရုပ်နာမ်ရှုထောင့်နှစ်ခုစလုံးကို တန်ဖိုးစံနှုန်းအ ခြေခံသည့် စည်းစနစ်များဖြင့် အကာအကွယ်ပေးလျက် လူ့ဘောင်၌လိုအပ်သည့်အပြောင်းအလဲများ အစပျိုး လုပ်နိုင်စွမ်းရှိသည့် ပြုပြင်ပြောင်းလဲရေးသမားများ မွေးထုတ်ရန် ဦးတည်စေသင့်သည်။ ဘက်စုံတိုးတက်ရေး အခြေပြုပညာရေးစနစ်၏ သဘောသဘာဝမှာ ကျောင်းသားများ၏ကိုယ်ရည်ကိုယ်သွေး တိုးတက်ပြောင်းလဲမှု ပါဝင်ရမည်။

ကျောင်းသားများကို တင်းကြပ်သော စည်းကမ်းများမှလွတ်မြောက်စေပြီး ကိုယ်ပိုင်တွေးခေါ်နိုင်သည့် နည်းလမ်းများ ဖော်ဆောင်နိုင်အောင် အားပေးခြင်းနှင့် မိမိကိုယ်ကို ထိန်းချုပ်နိုင်သည့်သဘောထား ကိန်းဝပ်စေ ခြင်းတို့ဖြင့် လူ့ဘောင်အတွက် ရေရှည်တည်တံ့မည့် အများကောင်းကျိုးသယ်ပိုးနိုင်စွမ်းရှိသည့် ပုဂ္ဂိုလ်များဖြစ် အောင် သွန်သင်ပေးရမည်။

ဆရာကြီးက “ကမ္ဘာကြီးကို ပြုပြင်ပြောင်းလဲလိုသူများသည် မိမိကိုယ်မိမိ ဦးစွာပြောင်းလဲနိုင်ရမည်။ တခြားလူတို့အား ပို၍ကောင်းမွန်သည့် လောကီခရီးစဉ်ဘက် ဖိတ်ခေါ်နိုင်ရန်အလို့ငှာ မိမိတို့၏စိတ်နှလုံးထဲ၌ရှိ သော ရန်လိုမုန်းတီးမှု၊ နာကျည်းမှု၊ မနာလိုမှု၊ ဝန်တိုမှုများကို ဆေးကြောသန့်စင်စေပြီး အပြုအမူ၊ အပြော အဆိုများကိုလည်း ကောင်းမှုအလုံးစုံဖြင့် အလှတန်ဆာဆင်ပေးနိုင်ရမည်”ဟု မိန့်ကြားခဲ့သည်။

ပို၍ အကျယ်ချဲ့ပြောရလျှင် လူ့ဘောင်အဖွဲ့အစည်းအတွင်းဖြစ်ပေါ်သည့် အကြပ်အတည်းများသည် ပြိုင်ဘက်ပညာရေးစနစ်များနှင့် အတွေးအခေါ်ကြားတွင် ပူးပေါင်းဆောင်ရွက်မှုမရှိခြင်းကြောင့်ဖြစ်ပြီး ဆရာကြီး အဆိုပြုတင်ပြထားသည့် ပညာရေးစနစ်သစ်က အဆိုပါအခက်အခဲ အကြပ်အတည်းများဖြစ်ပေါ်လာရခြင်း၏ အကြောင်းရင်းများကို ဖော်ထုတ်၍ ဖြေရှင်းနိုင်ရန် ရည်ရွယ်သည်။ ဤသို့ဖြင့် ပညာရေးပြုပြင်ပြောင်းလဲမှုသည် နိုင်ငံတိုင်း၏တိုးတက်ဖွံ့ဖြိုးရေးအတွက် အရေးအပါဆုံးအဓိက သော့ချက်တစ်ခု ဖြစ်သည်။

အကယ်၍ အစိုးရနှင့် ပုဂ္ဂလိကကျောင်းများ၏ပညာရေးစနစ်ကို ရုပ်ပိုင်းတိုးတက်စေသည့်အသိပညာနှင့် နည်းပညာကျွမ်းကျင်မှုသက်သက်ပေါ်အခြေမခံဘဲ လူ့ဘောင်အဖွဲ့အစည်း၌ တင်းမာမှုများနှင့် ပဋိပက္ခများ မဖြစ်ပွားအောင် သွန်သင်သည့်နည်းစနစ်ပေါ်အခြေခံခဲ့ပါမူ အနာဂတ်ဖွံ့ဖြိုးတိုးတက်ရေးအတွက် အုတ်မြစ်ချ နိုင်ပြီး အကြပ်အတည်းအလုံးစုံအတွက် ဖြေရှင်းချက်တစ်ခု ကမ်းလှမ်းနိုင်လိမ့်မည်။ ဂူလန်အမြင်အရ ကျောင်း သားများ၏ရုပ်နာမ်လိုအပ်ချက်အလုံးစုံ ဖွံ့ဖြိုးတိုးတက်လာစေရန် ရည်ရွယ်သောပညာရေးစနစ်မျိုးသာလျှင် လူ့ အဖွဲ့အစည်း၌ အပြုသဘောဆောင်သည့် ပြုပြင်ပြောင်းလဲမှုများဖြစ်လာစေရန် အဓိကသော့ချက်ပင် ဖြစ်သည်။

Thomas Michel

Peace And Dialogue In A Plural Society

Related Post

မိမိကိုယ်ကိုနှိမ့်ချတတ်သူ

မိမိကိုယ်ကိုနှိမ့်ချတတ်သူ

မိမိကိုယ်ကိုနိမ့်ချတတ်သူသည်သာ စစ်မှန်သော စေတနာဖြူစင်မှုဖြင့် လုပ်ဆောင်နိုင်သူဖြစ်သည်။ ဂူလန်ရှင်းပြသကဲ့သို့ မိမိကိုယ်ကိုနိမ့်ချသူများ မိမိတို့၏ကြိုးပမ်းမှုကြောင့်ထွက်ပေါ်လာသည့် အကျိုးကျေးဇူးများ ကို မိမိတို့ကြောင့် ထိုသို့အောင်မြင်သည်ဟု မမှတ်ကြပေ။ သူတို့၏ကြိုးပမ်းမှုနှင့် အောင်မြင်မှုများကြောင့် တခြား…

Leave a Reply

Your email address will not be published. Required fields are marked *