မိမိကိုယ်ကိုနှိမ့်ချတတ်သူ

မိမိကိုယ်ကိုနှိမ့်ချတတ်သူ

မိမိကိုယ်ကိုနိမ့်ချတတ်သူသည်သာ စစ်မှန်သော စေတနာဖြူစင်မှုဖြင့် လုပ်ဆောင်နိုင်သူဖြစ်သည်။ ဂူလန်ရှင်းပြသကဲ့သို့ မိမိကိုယ်ကိုနိမ့်ချသူများ မိမိတို့၏ကြိုးပမ်းမှုကြောင့်ထွက်ပေါ်လာသည့် အကျိုးကျေးဇူးများ ကို မိမိတို့ကြောင့် ထိုသို့အောင်မြင်သည်ဟု မမှတ်ကြပေ။ သူတို့၏ကြိုးပမ်းမှုနှင့် အောင်မြင်မှုများကြောင့် တခြား လူတို့ထက်သာသွားသည်ဟုလည်း မထင်မှတ်ကြပေ။ တခြားသူတို့အား မည်သို့ထင်မှတ်မည်ကို ဂရုမပြုဘဲ လုပ်ကြသည်။ အရှင့်အတွက်ရည်စူး၍ လုပ်ဆောင်ပြီး လူသားအကျိုးပြုဝန်ဆောင်မှုလုပ်ငန်းအတွက် လူတို့ထံမှ မည်သည့်အရာကိုမျှ မျှော်လင့်တောင့်တခြင်းမရှိဘဲ လုပ်ဆောင်ကြသည်။ တခြားလူတို့က ဂုဏ်ပြုမြတ်နိုးသည် ကိုပင် သူတို့၏စိတ်စေတနာဖြူစင်မှုအတွက် စမ်းသပ်မှုတစ်ခုဟု မှတ်ယူ၍ကြွားဝါပြီး အရှင့်ကျေးဇူးတော်မှ ကင်း ဝေးအောင်မလုပ်ကြပေ။

ဤအနေအထားသို့ရောက်ရှိနိုင်ရန်အတွက် မိမိကိုယ်ကို ဆန်းစစ်ရမည်၊ စောင့်ကြည့်ရမည်။ မိမိကိုယ် မိမိ ရိုးသားဖြူစင်အောင် လေ့လာကျင့်ကြံသူသာ မိမိ၏ရည်ရွယ်ချက်မှာ အရှင်မြတ်အား ခဝပ်နာခံရန်သက် သက်ဟုတ်မဟုတ်ဟူသည်ကို သိနိုင်လိမ့်မည်။ သို့မဟုတ် မိမိ၏ရည်ရွယ်ချက်မှာ မိမိ၏စိတ်ကျေနပ်မှု၊ လေးစား ခြင်းခံရမှု၊ ကိုယ်ပိုင်ရည်မှန်းချက်စသော လောကီအကျိုးအမြတ်တစ်စုံတစ်ရာအတွက် လုပ်ခြင်းဟုတ်၊ မဟုတ် ဟူသည်ကို သိနိုင်မည်။

ဤသို့ဖြင့် ရိုးသားဖြူစင်မှုအလေ့အထ တိုးတက်လာအောင် အကဲဖြတ်ဆန်းစစ်ခြင်းဖြင့် လူတစ်ဦးသည် မိမိ၏ဖြူစင်သောရည်စူးချက်ကို တိုးတက်ကောင်းမွန်အောင် လုပ်နိုင်သည်။ ဆရာကြီးဂူလန်က ၎င်းကို မူရာက ဘာ (Muraqaba) ခေါ် “မိမိကိုယ်ကို စောင့်ကြည့်ဆန်းစစ်ခြင်း”ဟု ခေါ်သည်။ ထိုသို့လုပ်ဆောင်ခြင်းဖြင့် တစ်ဦး တည်းဖြစ်သည့်အချိန်၌ပင် အတွေးအခေါ်၊ အပြုအမူနှင့် ရည်စူးချက်များကို အရှင်သိစိတ်ဖြင့် အဆက်မပြတ် ဆန်းစစ်လျက် ထိန်းသိမ်းရန် အရှင့်အမှုတော်ဆောင်(အစေခံ)တို့အား ဦးတည်စေသည်။

အရှင့်အလိုတော်ဆန္ဒနှင့်အညီ လုပ်ဆောင်သူတို့အတွက် ဖြူစင်သောရည်စူးချက်မှာ အဓိကကောင်းမှု တစ်ခုဖြစ်နေ၍ ၎င်းကို တစ်ဦးချင်းစီ၏ နာမ်ရေးရာတိုးတက်မှုအတွက်သာ ရည်ရွယ်ဆောင်ရွက်ရသည်မဟုတ်။ ၎င်းသည် လူ့အသိုင်းအဝိုင်းတစ်ခုလုံး၌ပင် အကျိုးသက်ရောက်သည်။ အတ္တအခြေပြုရည်မှန်းချက်ပြိုင်ဆိုင်မှုနှင့် ယှဉ်ပြိုင်ခြင်းထက် ရင်းနှီးမှုပျက်စီးစေသည့် အရာဟူ၍မရှိ၊ နောက်လိုက်တစ်ဦးက အလေ့အထကြောင့် သူ၏ သာလွန်ကောင်းမွန်သည့် အရည်အချင်းကို အာရုံစိုက်ခြင်း သို့မဟုတ် အောင်မြင်မှုတစ်ခု၊ နှစ်ခုရသည်ကို အလေးပေးခြင်း သို့မဟုတ် သူ၏အောင်မြင်မှုကို မိမိကြောင့်ဖြစ်သည်ဟု ဝင့်ကြွားပြောဆိုခြင်း စသည်တို့ကို ပြုလုပ်လျှင် သူ့စကားနားထောင်သူ သို့မဟုတ် သူ့အမူအရာကို သတိထားမိသူတို့၌ မနာလိုစိတ်များ အလို လိုဖြစ်ပေါ်လာလိမ့်မည်။

ဂူလန်က စိတ်စေတနာဖြူစင်မှုသည် လူ့အသိုင်းအဝိုင်း၌ ညီညွတ်မှုတည်တံ့ရေးအတွက် အဓိကအခရာ ကျသည်ဟု အလေးပေးပြောထားသည်။ ဂူလန်၏ချဉ်းကပ်မှုသည် ရီစာလေ့နူးရ်ကျောင်းများ၏ စည်းလုံးညီညွတ် မှုကို ထိန်းသိမ်းရာတွင် စိတ်စေတနာဖြူစင်စွာ ပြုမူဆောင်ရွက်ရန် လိုအပ်သည်ဟု ထပ်တလဲလဲ ရေးသားခဲ့သူ စအီးဒ်နူရ်စီနှင့် အလွန်စွာတူနေ၏။ စိတ်စေတနာဖြူစင်မှုနှင့်ပတ်သက်၍ မိန့်ကြားသည့် သူ၏ရှည်လျားသော မိန့် ခွန်း၌ စအီးဒ်နူရ်စီက လူ့အသိုင်းအဝိုင်းတစ်ခုအတွင်း “တာဝန်ဝတ္တရားများ ကျေပွန်ရာတွင် တစ်ဦးကိုတစ်ဦးကူ ညီခြင်း၊ လိုအပ်ချက်များဖြည့်ဆည်းပေးနိုင်ရန် ထောက်ပံ့ခြင်း၊ တခြားသူတို့ မရည်ရွယ်ဘဲပြုလုပ်သော အမှား များစွာကို ဖုံးကွယ်ထားခြင်းစသည့် တခြားသူတို့၏အားနည်းချက်များကို ဖြည့်ဆည်းပေးရန် အဖွဲ့ဝင်တိုင်းလုပ်ရ မည်”ဟု တွေးမြင်သည်။ နောက်လိုက်များအချင်းချင်း ထိုသို့သော ဆက်ဆံရေးမျိုးဖြစ်လာနိုင်ရန်နှင့် လူ့အသိုင်း အဝိုင်း၏စည်းလုံးညီညွတ်မှုကို ရေရှည်ထိန်းသိမ်းနိုင်ရန်အတွက် လူတိုင်း အရှင့်ကျေနပ်နှစ်သက်မှုကို ရည်စူး၍ စိတ်စေတနာဖြူစင်စွာဖြင့် ရုန်းကန်လှုပ်ရှားရသည်။

သမိုင်းတစ်လျှောက် ဘာသာတရားပေါင်းများစွာရှိ ဘာသာရေးဂိုဏ်း အဖွဲ့အစည်းများစွာတို့၌ အချင်း ချင်းကြား မနာလိုမှု၊ ပြိုင်ဆိုင်မှုနှင့် အတ္တလွန်ကဲမှုများ ထပ်တလဲလဲရှိခဲ့ကြသည်။ စိတ်စေတနာဖြူစင်မှုတည်းဟူ သော ကောင်းမှုသည် အဆိုပါသဘောထားများကို နည်းလမ်းနှစ်သွယ်ဖြင့် တိုက်ဖျက်ချေမှုန်းနိုင်သည်။ ပထမ နည်းမှာ ကောင်းမှုအကြီးအသေးအားလုံးကို အရှင်မြတ်သဘောတူလက်ခံတော်မူရန်၊ မိမိတို့၏ပြုမူဆောင်ရွက် ချက်များအား တစ်ပါးတည်းသောအရှင်၏အမှုထမ်းခြင်းအဖြစ် အာရုံစိုက်စေရန် စိတ်စေတနာဖြူစင်မှုဖြင့်သာ ဖြစ်နိုင်၏။

ဒုတိယနည်းမှာ ယုံကြည်သူလုပ်ဖော်ကိုင်ဖက်တစ်ဦး၏ စိတ်စေတနာဖြူစင်မှုကို အသိအမှတ်ပြုခြင်း သည် အဆိုပါမိတ်ဆွေအား ခြုံငုံရှုတ်ချပြစ်တင်ခြင်းနှင့် အရေးမကြီးသော ဝေဖန်ပြောဆိုမှုများ မပြုလုပ်မိစေရန် ရှောင်ရှားလျက် ကူညီနိုင်ပါသည်။

ဂူလန်က အရှင့်ကောင်းချီးမင်္ဂလာရောက်လာရန် လိုလားသူများနှင့် ဖြောင့်မတ်မှန်ကန်စွာ ရုန်းကန်လှုပ် ရှားလိုသည့် တခြားသူတို့၏ စိတ်စေတနာဖြူစင်မှုအပေါ် သံသယစိတ်လုံးဝမထားနိုင်ဟု သွန်သင်ထားသည်။ အရှင်မြတ်၏အမှုတော်ဆောင်(အစေခံ)အားလုံး၏တန်ဖိုးကို မွန်မြတ်သော ပုဂ္ဂိုလ်များပမာသဘောထားပြီး လူ တိုင်းအား အပြုသဘောထား၍ ရှုမြင်လျက် လက်ခံကြိုဆိုသင့်သည်ဟူ၏။ သူတို့၏နှလုံးသားထဲ၌ တခြားလူတို့ ထံမှ စိမ့်ဝင်နိုင်သည့် အတွေးဆိုးအမြင်ဆိုးများ သို့မဟုတ် တင်းမာမှုများအား အရည်ပျော်သွားစေ၏။ သို့မှ
သာ အကြင်နာတရားအားဖြင့် မှားယွင်းသည့် အပြောအဆိုအပြုအမူများကို အနိုင်ရနိုင်ကြောင်း ပြသနိုင်မည်။

ဂူလန်က မိမိ၏နောက်လိုက်များအား စုစည်းမှုကို အားပေးသော အများအကျိုးပြုလုပ်ငန်း(ဟိဇ်မသ်)နှင့် စိတ်သဘောထားညီညွတ်ခြင်းတို့ဖြင့် ပျိုးထောင်ပေးနိုင်စွမ်းရှိခြင်းသည် ဖြူစင်သောရည်စူးချက်ကို အလေးအ နက်ထားခြင်းကြောင့်သာ ဖြစ်သည်။ သူက မော်လနာဂျလာလုဒ္ဒိန်ရူမီ၏အဆိုကို အားကျ၍ ဤသို့ဖော်ပြထား သည်။

မိမိရဲ့ ကောင်းမှုအားလုံးမှာ

သင်စိတ်စေတနာ ဖြူစင်စွာ ရှိပါလေ

ဒါမှ ထာဝရအရှင်သခင်က လက်ခံတော်မူမှာပါ။

ဖြူစင်စိတ်ထားဆိုတာ

နာခံမှုငှက်ရဲ့

အတောင်ပံသာ

ပြီးပြည့်စုံတဲ့ ခိုလှုံရာဆီ

အတောင်ပံမပါဘဲ

သင်ဘယ်လိုပျံသန်းမလဲ။

Thomas Michel

Peace And Dialogue In A Plural Society

 

Related Post

ဖြူစင်သောရည်စူးချက်ဖြင့် ရှင်သန်ခြင်း

ဖြူစင်သောရည်စူးချက်ဖြင့် ရှင်သန်ခြင်း

ဆရာကြီးဂူလန်သည် သူမတိုင်မီကရှိခဲ့သော နူရ်စီသခင်ကဲ့သို့ပင် နာမ်ရေးရာဘဝ၏ သီအိုရီအပိုင်းကို သာ စိတ်ဝင်စားခြင်းမဟုတ်ဘဲ တိကျမှန်ကန်ပြီး လက်တွေ့ကျသော အကြံဉာဏ်ကိုသာ နာမ်ရေးရာအကြောင်း မေးမြန်းသူတို့အား ချပြလေ့ရှိသည်။ ဤနည်းအားဖြင့် သူသည်…

Leave a Reply

Your email address will not be published. Required fields are marked *