ကျွန်တော်ဟာ ကမ္ဘာမြေကြီးပါ – ၁ (မေ(လုံမလေး)/မျက်နှာဖုံးဆောင်းပါး)

ကျွန်တော်ဟာ ကမ္ဘာမြေကြီးပါ – ၁ (မေ(လုံမလေး)/မျက်နှာဖုံးဆောင်းပါး)

ဒီမှာမိတ်ဆွေ။

        ကျွန်တော်တည်ရှိနေခြင်းဟာ လူသားတွေအတွက် မရှိမဖြစ်လိုအပ်ပြီး ကျွန်တော်ရဲ့တန်ဖိုးကို လူသားတွေကသာ အမှန်တကယ် နားလည်သဘောပေါက်ကြတာပေါ့ဗျာ။ ကျွန်တော်ဟာ နေကို အဆက်မပြတ် လှည့်
ပတ်နေကြတဲ့ ဂြိုဟ်တွေထဲက တစ်ခုဖြစ်ပြီး လူသားတွေနေထိုင်ဖို့ရာ အသင့်လျော်ဆုံးဖြစ်အောင် ဖန်ဆင်းထားတာဖြစ်တာပေါ့ မိတ်ဆွေရာ၊ ကျွန်တော်ကတော့ ကမ္ဘာမြေကြီးပါ ခင်ဗျား။

လွန်ခဲ့တဲ့နှစ်ပေါင်း လေးငါး ဘီလီယံဝန်းကျင်လောက်က နေကို ဖန်ဆင်းဖြစ်ပေါ်စေပြီးတဲ့နောက် ကျန်ရစ်တဲ့ အရာဝတ္ထုပစ္စည်းတွေကနေ ကျွန်တော်စတင်ဖြစ်ပေါ်လာခဲ့တာ ဖြစ်ပါတယ်။ အချိန်အပိုင်းအခြား တစ်ခု
မှာ အဲဒီအရာဝတ္ထုတွေဟာ စုပုံလာရာကနေ ဂြိုဟ်ငယ်လေးတွေ ဖြစ်ပေါ်လာကြပါတယ်။ ဒါတွေဟာ အနာဂတ်ရဲ့ ဂြိုဟ်ကြီးတွေဖြစ်ပေါ်ဖို့ ရှေးဦးပုံစံတွေပါပဲ။ အစတုန်းကတော့ ကျွန်တော်တို့ဟာ နေကို လှည့်ပတ်နေကြတဲ့
ဂြိုဟ်ငယ်များနဲ့ ဆောင့်မိ တိုက်မိတာတွေ အလိုလို ဆက်တိုက်ဖြစ်ပွားနေခဲ့ကြမိသေးတာပေါ့။ ဒီလို မကြာခဏဆက်လက်တိုက်မိခြင်းနဲ့ ပေါက်ကွဲလွင့်စဉ်ခြင်းတွေ ဖြစ်ပွားခဲ့တာကြောင့် အကျိုးဆက်အရ ကျွန်တော့်မျက်နှာ
ပြင် အပူချိန်ဟာ ၆၀၀၀ ဒီဂရီစင်တီဂရိတ်အထိ မြင့်တက်သွားတာပေါ့ဗျာ။ ကျွန်တော်ပြောချင်တာကတော့ ကျွန်တော်ဟာ အတော်ကြီးတဲ့ ကမ္ဘာလုံးကြီးတစ်ခုဖြစ်ပြီး ဆူပွက်နေတဲ့ ချော်ရည်မှာ ပျော်ဝင်နေတဲ့သတ္တုလို ပစ္စည်း
တွေ အဓိကပါဝင်နေတယ်ခင်ဗျ။ အမှန်တော့ ဒါတွေကလည်း ထောင်ပေါင်းများစွာသော ဥက္ကာပျံနဲ့ ကြယ်တံခွန်တွေကို ကြဲချခဲ့တာ ဖြစ်ပါတယ်ဗျ။ ကျွန်တော့်ကို ဖန်ဆင်းတဲ့ သူဟာ ဒါတွေကို ဖြစ်စဉ်တစ်ခုလုံးနဲ့ ပတ်သက်တဲ့
လျှို့ဝှက်ဆန်းပြားလွန်းလှတဲ့အကြောင်း အချက်အလက်ပေါင်းများစွာကို အစဖျောက် ဖုံးကွယ်ထားပါသေးတယ်။ ကျွန်တော်ဟာ လူသားတွေစူးစမ်းရှာဖွေတွေ့ရှိနိုင်စေဖို့အတွက် ကြိုးပမ်းအားထုတ်ခဲ့ပါတယ်။

ကျွန်တော်အေးခဲစပြုလာတဲ့အခါ ကျွန်တော့်မျက်နှာပြင်ဟာ အမြောက်ဆံတစ်ခုလို မာကျောသွားပါတယ်။ ဘာကြောင့်လဲဆိုတော့ ဒီကနေ့ အခါသမယမှာ လေထုလို့ ခင်ဗျားတို့သိထားကြတဲ့ ဓာတ်ငွေ့နှောဒိုင်းက
ကျွန်တော့်ကို လုံလုံလောက်လောက် အကာအကွယ်ပေးမထားလို့ဘဲ ဖြစ်ပါတယ်။ ကျွန်တော့်ရဲ့အခွံက မာခါစပြုတာနဲ့ တစ်ပြိုင်နက်တည်းမှာပဲ ဥက္ကာပျံတွေ၊ ကြယ်ပျံတွေရဲ့ ပေါက်ကွဲလွင့်စဉ်မှုတွေတာ ကျွန်တော့်ကို မနား
တမ်း အဆက်မပြတ် ဖျက်ဆီးကြတော့တာပါပဲ။။ ဒီလို ပြောင်းလဲဖြစ်ပေါ်ခြင်းဟာ နှစ်ဘီလီယံများစွာ ဆက်ပြီးဖြစ်ပေါ်နေခဲ့တယ်။ ကျွန်တော်လည်း ဒဏ်ရာဒဏ်ချက်များစွာနဲ့ ကြံ့ကြံ့ခံ ရပ်တည်ရင်း နောက်ဆုံးတော့ ဥက္ကာပျံ
တွေ ဝင်ရောက်ကျူးကျော်မှု တည်ငြိမ်စပြုလာတဲ့အခါ ကျွန်တော်လည်း တဖြည်းဖြည်းချင်း အေးခဲစပြုလာပါတော့တယ်။

ဒီမှာမိတ်ဆွေ

        ကျွန်တော်နှစ်သန်းပေါင်း ၄ ဒသမ ၄ ဘီလီယံအရင်က ကုန်းမြေတွေဟာ လက်ရှိ တိုက်ကြီးခုနှစ်တိုက်နဲ့ အတော်အတန်ခြားနားတဲ့ ကုန်းမြေတွေအဖြစ် စတင်တည်ရှိလာခဲ့ပါတယ်။ မာတင်းနေတဲ့ မျက်နှာပြင်လွှာ
ဟာ ကျွန်တော့်ရဲ့ ဟိုးအတွင်းပိုင်းမှာရှိနေတဲ့ ပြင်းထန်တဲ့ အပူရှိန်ကြောင့်၊ (ဖြစ်ပေါ်လာခဲ့တဲ့ ကြီးမားတဲ့ ဖိအားတွေကြောင့်) ကွဲအက် ခွဲထွက်စေခဲ့အမှန်ပါပဲ။ အချိန်ကာလတစ်ခုကို ကျော်လွန်လာတဲ့အခါ အပေါ်ယံမာတင်း
နေတဲ့ မျက်နှာပြင်လွှာဟာ များပြားလှတဲ့ ကျောက်ထုအလွှာကြီးတွေအဖြစ် ကွဲထွက်သွားပြန်တာပေါ့ မိတ်ဆွေရာ။ နောက်ပြီး ရွဲ့စောင်းတွန့်တက် ပုံပျက်သွားရာကနေ တောင်တွေဖြစ်ပေါ်လာပြန်တယ်။ ဒါဟာ သမုဒ္ဒရာချိုင့်
ခွက်တွေနဲ့ တိုက်ကြီးတွေရဲ့ ကောက်ကြောင်း (ကွန်တို) တွေကို စတင်ပေါ်ပေါက်လာစေတဲ့ အကြောင်းရင်းပဲပေါ့ ခင်ဗျ။ အဲ့ဒီ အချိန်ကာလဟာ တိုက်ကြီးတွေရဲ့ဗဟိုချက်ကိုဖြစ်ပေါ်စေတဲ့ ကမ္ဘာ့မြေအောက် အလွှာမှာရှိတဲ့
ကျောက်ရည်ပူတွေ ပေါ်ထွက်လာချိန်ဖြစ်ပြီး ကျောက်နမူနာအသစ်တွေ နှမ်းဖတ်ကျောက်နဲ့ သမုဒ္ဒရာကြမ်းခင်း(မီးတောင်ချော်ကျောက်နက်) တွေ ဖြစ်တည်လာခဲ့ကြပြီး ဒီကနေ့ အချိန်မှာတော့ သိပ္ပံပညာရှင်တွေဟာ သဘာ
ဝဘေးဒဏ်တွေနှင့် ဖျက်ဆီးမှုတွေကို ကြံ့ကြံ့ခံနိုင်စွမ်းရှိပြီး နှစ်ပေါင်းဘီလီယံပေါင်းများစွာကြာအောင် သက်တမ်းရှိတဲ့ ဦးဆုံးတိုက်ကြီးတွေ အမှန်တကယ် ဘယ်လိုစတင် ဖြစ်ပေါ်လာခဲ့သလဲဆိုတာကို လေ့လာနေကြဆဲပဲ ဖြစ်
ပါတယ် ခင်ဗျ။

နှမ်းဖတ်ကျောက်ဟာ တိုက်ကြီးတွေရဲ့ ဗဟိုချက် ကရတွန် (cratons) တွေကို ဖြစ်ပေါ်စေခဲ့တာ ခင်ဗျ။တကယ်တော့ ကရတွန်တွေဟာ သက်တမ်း အရင့်ဆုံး မာတင်းနေတဲ့ မျက်နှာပြင်အလွှာရဲ့ အခြေခံအစိတ်အ
ပိုင်းက ထုတ်လုပ်ပေးခဲ့တာ ဖြစ်ပါတယ်။ ကရတွန်တွေဟာ ကျွန်တော့်ရဲ့ အပေါ်ယံမျက်နှာပြင်မှာ လွင့်မျောနိုင်လောက်အောင် ပေါ့ပါးကြတယ်။ ဒါပေမဲ့ သူတို့ဟာ ဖြစ်ပေါ်စေနိုင်အောင် ဖန်ဆင်းခံရတဲ့ စနစ်တစ်ခုပါပဲ။ ဒီကရ
တွန်တွေကို အလယ်ပိုင်းဒေသ၊ တောင်အမေရိကနဲ့ စကန်ဒီနေးဗီးယားဒေသတွေမှာလည်း အထူးသဖြင့် တွေ့ရှိနိုင်ပါတယ်လေ။

ကျွန်တော့်ရဲ့ မျက်နှာပြင်ကို တက်တိုနစ် (Tectonic) ကျောက်တိုလွှာတွေလို့ခေါ်တဲ့ စုပေါင်းထားတဲ့ အစိတ်အပိုင်းများနဲ့ ဖွဲ့စည်းထားတာ ဖြစ်တယ်ဗျ။ ကျွန်တော့်ရဲ့အပေါ်ယံလွှာကို ကျောက်သားနဲ့ ဖန်ဆင်းခဲ့ပေ
မယ့် ကျွန်တော့်ရဲ့ မျက်နှာပြင်အောက်ဘက်ကတော့ ပြင်းထန်တဲ့အပူကြောင့် အဲ့ဒီကျောက်ထုလွှာကြီးတွေဟာ နှစ်စဉ် စင်တီမီတာ အနည်းငယ်စီ ရွေ့လျားနိုင်အောင်တော့ ကျွန်တော့်ကို ဖန်ဆင်းထားခဲ့တယ်ခင်ဗျ။

ရည်ညွှန်း

Ibrahim Ugurlu ရေးသားသည့် I Am the Earth ဆောင်းပါးကို ဆီလျော်အောင် ဘာသာပြန်ဆိုပါသည်။

Related Post

Leave a Reply

Your email address will not be published. Required fields are marked *