လူသားမျိုးနွယ်စုအား ရိုသေလေးစားခြင်း – ၁ (သူရထွန်း) (Respect For Humankind)

လူသားမျိုးနွယ်စုအား ရိုသေလေးစားခြင်း – ၁ (သူရထွန်း) (Respect For Humankind)

လူသားတစ်ဦးကို ၎င်းသည် မျိုးနွယ်စုဝင်တစ်ဦးဖြစ်ခြင်းအပေါ် အခြေခံပြီး မေတ္တာထားခြင်း၊ လေးစားခြင်းတို့သည် ကျွန်ုပ်တို့က ထာဝရဖန်ဆင်းရှင်အား လေးစားမြတ်နိုးခြင်း၏ ပုံစံတစ်မျိုးဖြစ်ပါသည်။ လူသားတိုင်း
ထာဝရအရှင်၏ ဖန်ဆင်းမှုဆိုင်ရာ လက်ရာတစ်ရပ်ဖြစ်သောကြောင့် ဖြစ်ပါသည်။ အခြားတစ်ဖက်၌ မိမိနှင့် ဘာသာတူ၊ ဝါဒတူ၊ အတွေးတူ သူတို့ကိုသာ မေတ္တာထားခြင်း၊ လေးစားသမှုပြုခြင်းသည် အတ္တဆန်ခြင်း၊ မိမိ
ကိုယ်ကို ကိုးကွယ်ခြင်းသာ ဖြစ်ပါသည်။ထိုမျှမကသေး လူသားတို့အားလုံးသည် ခရီးတစ်ခုတည်းကို သွားနေကြသည့်အလျောက် မိမိတို့နှင့် တစ်ခရီးတည်း သွားနေကြသူများကို၊ မိမိနှင့် စဉ်းစားပုံခြင်း၊ ယုံကြည်ပုံခြင်း မတူ
သောကြောင့်၊ မိမိမျိုးနွယ်ဝင် လူသားတစ်ဦးကို မလေးမစား ဆက်ဆံပြီး၊ ၎င်း၏ ခံစားချက်ကို ထိခိုက်အောင် ပြုမူဆောင်ရွက်ခြင်းသည် အလွန်မောက်မာသော၊ နားလည်မှု ကင်းမဲ့သော လုပ်ရပ်တစ်ရပ်သာ ဖြစ်ပါသည်။

ကျွန်ုပ်တို့ လူသားအားလုံး နိုင်ငံသားအားလုံးသည် သုခဘုံနန်း(ဝါ) နိဗ္ဗာန်ဟူသော တမလွန်ဘဝဆီသို့ဦးတည်ခရီးသွားနေကြသူများ ဖြစ်ကြပါသည်။ ဤခရီး၌ ကျွန်ုပ်တို့ရွေးချယ်သော လမ်းကြောင်းမှန် မဟာဗျူဟာ
တို့ မတူကြသော်လည်း ခရီးစဉ်က တူနေကြသည်။

ကျွန်ုပ်တို့သည် ပြဿနာအဝဝကို မြင့်မြတ်သော စံနှုန်း၊ မြင့်မားသော တန်ဖိုးများဖြင့် ချိန်ထိုးအဖြေရှာမည့် မျိုးဆက်တစ်ခုကို စောင့်မျှော်ကြရသည်။ ကျွန်ုပ်တို့ လူသားအားလုံး၊ နိုင်ငံသားအားလုံးသည် သုခဘုံနန်း (ဝါ) နိဗ္ဗာန်ဟူသော တမလွန်ဘဝဆီသို့ ဦးတည် ခရီးသွားနေကြသူများ ဖြစ်ကြပါသည်။ ဤခရီး၌ ကျွန်ုပ်တို့ ရွေးချယ်သော လမ်းကြောင်း မဟာဗျူဟာတို့ မတူကြသော်လည်း ခရီးစဉ်က တူနေကြသည်။ သို့ဖြစ်ပါလျက် ဤ
မြင့်မြတ်သောခရီးစဉ်မှာ ကျွန်ုပ်တို့နှင့်အတူလိုက်ပါသူများကို မတူညီသော ယုံကြည်မှု အတွေးအခေါ်တို့ကြောင့်အဘယ်ကြောင့် မုန်းတီးရမည်နည်း။ အပြစ်တင်ရမည်နည်း။ သိက္ခာကျအောင် လုပ်ရမည်နည်း။

ကျွန်ုပ်တို့ကို ဝိုင်းရံထားသော အဖြစ်အပျက်များ၊ အနာဂတ်၌ ဖြစ်ပေါ်လာမည့် အနေအထားတို့က အရာတိုင်းကို အထူးအသိတရားနှင့် နိုးကြားမှုဖြင့် ဆင်ခြင်ဆောင်ရွက်ရန် ကျွန်ုပ်တို့အား တွန်းအားပေးနေပါ သည်။ လတ်တလောကို စဉ်းစားပြီး စိတ်လိုက်မာန်ပါ ချမှတ်သော အဆုံးအဖြတ်များသည် အနာဂတ်၌ ပြန်ဆယ်၍မရသော အခြေအနေသို့ ရောက်သွားစေနိုင်ပါသည်။ မိမိတို့နိုင်ငံသားများအတွက် ပျော်ရွှင်သော အနာ
ဂတ်ကို တည်ထောင်လိုသော အနာဂတ်၏ ဗိသုကာများက မိမိတို့၏ကမ္ဘာသစ်ကို လူသားမျိုးနွယ်စုအပေါ် မေတ္တာတရားထားခြင်းနှင့် လေးစားသမှုပြုခြင်းအပေါ် တည်ဆောက်ရမည်။ ထိုမြင့်မြတ်သော တန်ဖိုးများ
အတွက် မားမားမတ်မတ် ရပ်တည်ကြရမည် ဖြစ်ပါသည်။

တချို့သော ရှုထောင့်မှကြည့်လျှင် ယခုခေတ် ကမ္ဘာလူသားမျိုးနွယ်စုကို မှောင်မိုက်နေသော လမ်းကျဉ်းများသို့ အချို့က တွန်းပို့နေပါသည်။ ယင်းတို့ကြောင့် မကြုံဖူးသောပြဿနာ၊ ပဋိပက္ခများနှင့် ယခု ကျွန်ုပ်တို့ မျက်နှာချင်းဆိုင် ရင်ဆိုင်နေကြရသည်။ ကျွန်ုပ်တို့က အလွန်ကိုင်တွယ်ရခက်သော မှန်းဆရခက်သော ပြဿနာ၊ပဋိပက္ခများနှင့် ထိပ်တိုက်တွေ့နေရပါသည်။ ရင်ဆိုင်နေရသော ပြဿနာ၊ ပဋိပက္ခများသည် ကိုင်တွယ်မှန်းဆရ
ခက်သလောက် ၎င်းတို့၏ အကျိုးရလဒ်နှင့် ပတ်သက်ကြီးလည်း မျှော်မှန်းရခက်နေပါသည်။ ပြဿနာများကိုအဖြေရှာရန် ကြိုးစားနေကြသူများလည်း ရှိကြပြီး မိမိတို့ တက်နိုင်သောဘက်မှ ပါဝင်ဆောင်ရွက်နေကြသည်။ ဤနေရာ၌ အဓိကလိုအပ်နေသောအရာမှာ လူသားမျိုးနွယ်စုဝင်အပေါ် မေတ္တာတရားထားခြင်းနှင့် လေးစားသမှုပြုခြင်းတို့ဖြစ်ပြီး ထိုအရာများ ယခု စိန်ခေါ်ခြင်းခံနေကြရသည်။

ကျွန်ုပ်တို့သည် မိမိနားလည်သောပုံစံဖြင့် ကြိုးစားနေကြသည်မှာ နှစ်ပေါင်းများစွာရှိနေပါပြီ။ သို့သော်ငြားလည်း ပျော်ရွှင်သော အနာဂတ်၏ တိုင်မကြီးများကို ပေါင်းစပ်ဖွဲ့စည်းထားခြင်း ဖြစ်စဉ် (synthesis of ideas) နှင့်အညီ တည်ဆောက်နိုင်ခြင်းမရှိချေ။ ကျွန်ုပ်တို့၏ ခံစားမှုများနှင့် တွေးခေါ်မှုများက ကွဲပြားသော အရာများကို သယ်ဆောင်နေပြီး ကျွန်ုပ်တို့သည် မပြည့်စုံသော တေးသားဖြင့် သီချင်းခွေထုတ်လုပ်သူ ရှာဖွေသူ
နှင့် တူနေပါသည်။ အုပ်စုတစ်ခုက မိမိလက်ခံသော အမှန်တရား အချို့ကြောင့် အခြားအမှန်တရားအားလုံးကို ငြင်းပယ်ကြသည်။ ထိုသို့ ငြင်းပယ်ခြင်းအားဖြင့် အခြားအုပ်စုကလည်း အခြားအုပ်စုကလည်း ၎င်းတို့ လက်ခံ
သော အမှန်တရားအချို့ကို ဆုပ်ကိုင်ထားရန် တွန်းအားပေးရာ ရောက်ပါသည်။ ထိုသို့ အုပ်စုအချင်းချင်း အပြန်အလှန်တွန်းအားပေးနေလျှင် ကျွန်ုပ်တို့က အားလုံးအကျုံးဝင်သော ပေါင်းစပ်ဖွဲ့စည်းသည့် အတွေးအခေါ်မျိုးကို
မည်ကဲ့သို့ ရှာဖွေနိုင်မည်နည်း။ ကျွန်ုပ်တို့ခံစားနေရသော ရောဂါဆိုးများအတွက် ဆေးဝါးများကို မည်ကဲ့သို့တွေ့ရှိနိုင်မည်နည်း။ အုပ်စုတစ်စုက အခြားအုပ်စုတစ်စုကို ယုံကြည်မှုပုံစံကြောင့်၊ ဘဝနေထိုင်မှုပုံစံကြောင့် တိုက်
ခိုက်နေသော၊ စွပ်စွဲနေသော ပတ်ဝန်းကျင်မျိုး၌ ပေါင်းစပ်ဖွဲ့စည်းသည့် အတွေးအခေါ်မျိုး၊ ဆေးဝါးမျိုးကို ကျွန်ုပ်တို့ရှာနိုင်မည်လော။

ရည်ညွှန်း။       ။ M.F Gulen ရေးသားသည့် Respect For Humankind ဆောင်းပါး။

Related Post

မဟာကရုဏာတော်ရှင်ထံ အသနားခံခြင်း (အပိုင်း-၅)

မဟာကရုဏာတော်ရှင်ထံ အသနားခံခြင်း (အပိုင်း-၅)

တခြားလူတို့၏ ကယ်တင်ရေးအတွက် မဟုတ်ဘဲ လူတစ်ဦးချင်းစီ၏ တိုးတက်အောင်မြင်ရေးအတွက် စီမံကိန်းများ ရေးဆွဲပြီး စနစ်တကျ ဆောင်ရွက် နေသည့် ပုဂ္ဂိုလ်များသည် လှည့်စားမှုခံရရုံမက တစ်ဦးချင်းစီ နိုးကြားမှု ဆုတ်…

Leave a Reply

Your email address will not be published. Required fields are marked *