နယူးဇီလန်၌ ဗလီကို အကြမ်းဖက်တိုက်ခိုက်ခြင်းအပေါ် ဆရာကြီးဂူလန်၏ဝမ်းနည်းကြေကွဲကြောင်းသဝဏ်လွှာ

နယူးဇီလန်၌ ဗလီကို အကြမ်းဖက်တိုက်ခိုက်ခြင်းအပေါ် ဆရာကြီးဂူလန်၏ဝမ်းနည်းကြေကွဲကြောင်းသဝဏ်လွှာ

ဆရာကြီးဖသ်ဟွလ္လာဟ်ဂိုလန်သည် ၂၀၁၁ စက်တင်ဘာအကြမ်းဖက်တိုက်ခိုက်မှုကို ဦးဦးဖျားဖျား ပြစ် တင်ရှုတ်ချပြီး အဆိုပါ အကြမ်းဖက်တိုက်ခိုက်မှုကြောင့် သေဆုံးသွားခဲ့သူအားလုံး၏ မိသားစုများနည်းတူ ဝမ်း နည်းကြေကွဲမိကြောင်းကို အဦးဆုံးသဝဏ်လွှာပို့ခဲ့သည့် အစ္စလာမ့်ဘာသာရေးခေါင်းဆောင်တစ်ဦးဖြစ်သည်။ ၁၅.၃.၁၉ နေ့ နယူဇီလန်၌ ဗလီတစ်လုံး အကြမ်းဖက်တိုက်ခိုက်ခံရအပြီး ဆရာကြီးက အောက်ပါအတိုင်း အကြမ်းဖက်မှုကို ရှုတ်ချကြောင်းနှင့် အသက်ဆုံးရှုံးခဲ့ရသူများ၏ မိသားစုနည်းတူဝမ်းနည်းကြေကွဲမိကြောင်း သဝဏ်လွှာပို့ခဲ့သည်။
အပြစ်မဲ့သူ ၄၉ဦးသေဆုံးပြီး လူ၂၀ဒဏ်ရာရခဲ့သည့် နယူးဇီလန်နိုင်ငံ Chrischurch မြို့ရှိဗလီဝတ် ကျောင်းတော်နှစ်ခု အကြမ်းဖက်တိုက်ခိုက်မှုခံရကြောင်း ကြားသိရပြီးနောက် ကျွန်တော်သည် စိတ်နှလုံးထဲမှ အလွန်ပင် ဝမ်းနည်းကြေကွဲမိပါသည်။ အဆိုပါ တိုက်ခိုက်မှုကို ကျွန်တော်ပြင်းပြင်းထန်ထန် ပြစ်တင်ရှုတ်ချပြီး အကြမ်းဖက်မှုကြောင့် အသက်ဆုံးရှုံးခံခဲ့ရသည့် မိသားစုဝင်များနှင့် ဒဏ်ရာရသူများ၏ မိသားစုဝင်များကို မဟာ ကရုဏာတော်ရှင် အရှင်မြတ်က စိတ်ဓါတ်ကြံ့ခိုင်မှုပေးပါစေ၊ ဒဏ်ရာရသူများလည်း အမြန်ဆုံးသက်သာပါစေ ကြောင်း ဆုမွန်ကောင်းတောင်းပါ၏။
လွန်ခဲ့သော လပေါင်းများစွာကတည်းက ဗလီကျောင်းတော် ခရစ်ယာန်ဘုရားကျောင်းနှင့် ဂျူးဘုရား ကျောင်းများ တည်ရှိရာ နေရာများနှင့် ဝတ်ပြုဆုတောင်းရန် ရောက်လာကြသည့် ပုဂ္ဂိုလ်များကို ပစ်မှတ်ထား ပစ် ခတ်လာခဲ့ကြကြောင်း။ မွတ်စလင်များ အပတ်စဉ် သောကြာနေ့ ဝတ်ပြုရန် ရောက်လာချိန် အကြမ်းဖက်တိုက် ခိုက်ခံရကြောင်းကို စိတ်မကောင်းစွာ တွေ့မြင်လာခဲ့ရသည်။ အဆိုပါ အကြမ်းဖက်တိုက်ခိုက်မှုအားလုံးက အစ္စလာမ့်မုန်းတီးရေး၊ ဂျူးဆန့်ကျင်ရေးနှင့် ခရစ်ယာန်မုန်းတီးရေးပုံစံဖြင့်လည်းကောင်း၊ ဘက်လိုက်မှုနှင့် အယူ သည်းမှုကြောင့်လည်းကောင်း၊ ကြောက်စိတ်နှင့် မုန်းတီးစိတ်တို့ကြောင့်လည်းကောင်း အခြေခံ၍ ဖြစ်ပေါ်လာပြီး အပြစ်မဲ့လူသားများ အတိဒုက္ခရောက်စေသည်။ အဆိုပါအကြမ်းဖက်တိုက်ခိုက်မှုအားလုံး၏ နောက်ကွယ်၌ မည် သည့်ကြိုးကိုင်မှု၊ မည်သည့်အတွေးအခေါ်၊ အယူအဆများပင်ရှိပါစေ၊ အကြမ်းဖက်တိုက်ခိုက်ခြင်းသည် လူသား အားလုံးကို ဘေးဒုက္ခရောက်စေသည့် တစ်ခုတည်းသော အန္တရာယ်ဆိုးကြီးပင်ဖြစ်သည်။ ထိုအန္တရယ်ဆိုးကြီး ကို ဖယ်ရှားနိုင်ရန်အတွက် လူသားအားလုံးပူးပေါင်းပါဝင်ဆောင်ရွက်ရမည်။
ထိုသို့ဆောင်ရွက်ရာတွင် အရေးအပါဆုံး မဏ္ဍိုင်တစ်ခုအဖြစ် လုပ်ဆောင်ရမည်မှာ ကျွန်ုပ်တို့အားလုံး လူသားများသာဖြစ်ကြောင်း သတိရပြီး လူသားဆန်မှုအတွက် ကမ္ဘာအနှံ့ဆောင်ရွက်ရန်ပင်ဖြစ်သည်။ မိမိနှင့် မတူသူ မိမိရန်သူဟု သဘောထားပြီး ကြောက်စိတ်နှင့် မုန်းတီးစိတ်ကြောင့် ဖြစ်ပေါ်လာသည့် အကြမ်းဖက်မှု တည်းဟူသော ရောဂါအတွက် ကုစားရာ ဆေးစွမ်းမှာ ဘာသာပေါင်းစုံတွေ့ဆုံဆွေးနွေးပွဲနှင့် ပညာရေးအား ဖြင့် လူသားတိုင်း ပင်ကိုယ်အားဖြင့် ဂုဏ်သိက္ခာရှိသူများဖြစ်ကြောင်း မြင်စေရန်ပညာပေးခြင်းပင်ဖြစ်သည်။
ဤဝမ်းနည်းကြေကွဲဖွယ်ရာ အဖြစ်အပျက်နှင့် ပတ်သက်၍ ကျွန်တော်က ကမ္ဘာ့မွတ်စလင်ထု တစ်ရပ် လုံးအား ဝမ်းနည်းကြေကွဲမိကြောင်း ပြောပါရစေ၊ နယူးဇီလန်နိုင်ငံသားများအား သူတို့၏ညီနောင်နိုင်ငံသား များနှင့် အိမ်နီးချင်းများ ဆုံးရှုံးမှုအပေါ် ဝမ်းနည်းကြေကွဲမိကြောင်း ပြောပါရစေ။
အရှင်မြတ်က လူတိုင်းကို ကာကွယ်စောင့်ရှောက်တော်မူပါစေ၊ အစိုးရအတွင်းဖြစ်စေ၊ လူမှုအဖွဲ့အ စည်းအတွင်းဖြစ်စေ၊ အကြမ်းဖက်ဝါဒ၏ရင်းမြစ်ကို ရှာဖွေဖော်ထုတ်ပြီး လူသားများကြား ချစ်ခြင်းမေတ္တာနှင့် ပူး ပေါင်းဆောင်ရွက်ကျယ်ပြန့်လာရန်အတွက် ကြိုးပမ်းသူအားလုံးကို အရှင်မြတ်ကူညီမစတော်မူပါစေ။

Leave a Reply

Your email address will not be published. Required fields are marked *