လူသားအပေါ် မေတ္တာထားခြင်း – ၁

လူသားအပေါ် မေတ္တာထားခြင်း – ၁

မေတ္တာသည် သက်စောင့်ဆေးရည်တစ်မျိုးဖြစ်ပြီး လူတစ်ဦးအေးချမ်းစွာ
အသက်ရှင်ရပ်တည်နိုင်ရေး နှင့် မိမိတို့၏ ပတ်ဝန်းကျင်အား အေးချမ်းသာယာစေ
ရေးအတွက် မရှိမဖြစ် လိုအပ်သောအရာ ဖြစ်သည်။ လူသားဟူသော ဝေါဟာရ၌
ကျွန်ုပ်တို့အချင်းအချင်းကြား မေတ္တာကို အရင်းခံ၍ ထိတွေ့ခံစားမှုများ ပါဝင်
သောကြောင့် မေတ္တာသည်ပင် အသက်ဖြစ်၏။ အနန္တတန်ခိုးတော်ရှင်က လူတစ်
ဦး နှင့် တစ်ဦးကြားတွင်ရှိသော မေတ္တာနှောင်ကြိုးထက် ပို၍ခိုင်မာသော ဆက်ဆံ
ရေးကို ဖန်ဆင်းထားခြင်း မရှိပေ။ အမှန်မှာ ဤကမ္ဘာဂြိုဟ်အား မေတ္တာထား၍
တည်ငြိမ်အေးချမ်းပြီး ရေရှည်တည်တံ့အောင် မထိန်းသိမ်းနိုင်ပါက ယိုယွင်းပျက်
စီးပြီး တန်ဖိုးမဲ့သွားပါလိမ့်မည်။

သက်ရှိတိုင်း၌ သူတို့၏ မျိုးစိတ်များအတွက် အုပ်ချုပ်ရေးစနစ် ကိုယ်စီရှိ
ကြပြီး ဂျင်(န်)၊ လူသား နှင့် ပျားကောင်၊ ပုရွက်ဆိတ်၊ ချ စသည်တို့တွင်လည်း
ဘုရင်၊ ဘုရင်မ နှင့် အုပ်ချုပ်သူ အကြီးအကဲ ကိုယ်စီရှိကြသည်။ အုပ်ချုပ်သူ
အကြီးအကဲများက မိမိတို့အာဏာ ရရှိရေးအတွက် နည်းအမျိုးမျိုးဖြင့် ကြိုးပမ်း
ဆောင်ရွက်ကာ အာဏာ၊ ရာထူးများ ရရှိလာကြသည်။ မေတ္တာတရားမှာမူ ကျွန်ုပ်
တို့၏ နှလုံးသားများကို စိုးမိုးအုပ်ချုပ်နိုင်စွမ်းရှိပြီး ပြိုင်ဘက်ကင်းမဲ့သော ဘုရင်
တစ်ပါးကဲ့သို့ပင် ဖြစ်သည်။ ကျွန်ုပ်တို့၏ နှုတ်လျှာ၊ နား နှင့် မျက်စိတို့၌ မေတ္တာ
ဓါတ်ဆောင်ကြဉ်းထားနိုင်သရွေ့ တန်ဖိုးရှိလာမည်။ သို့သော် မေတ္တာတရားကို
သရုပ်ဖော်တင်ပြသည့် စင်မြင့်ဖြစ်သော နှလုံးသားသည် တန်ဖိုးမဖြတ်နိုင်သော
အရာဖြစ်၏။

ခံတပ်များ၏ ရှေ့တွင် မေတ္တာအလံများ လှုပ်ယမ်းပြရုံဖြင့် သွေးထွက်သံ
ယိုမှု လုံးဝမရှိဘဲ ထိုခံတပ်များကို သိမ်းပိုက်နိုင်သည်။ မေတ္တာစစ်သည်တော်များ
အနိုင်ရလာသောအခါ ဘုရင်များက အကြင်နာတရားရှိသော စစ်သည်များအဖြစ်
သို့ ပြောင်းသွားကြသည်။

ကျွန်ုပ်တို့သည် မေတ္တာဖြင့် အနိုင်ရသည့် အသိုင်းအဝိုင်း၌ ပြုစုပျိုး
ထောင်ခြင်းခံရသည့်အတွက် ကျွန်ုပ်တို့၏ မျက်စိများ နှင့် နှလုံးသားများတွင်
မေတ္တာစည်သံကို ပဲ့တင်ရိုက်စေသည်။ မေတ္တာအလံ လှုပ်ယမ်းသည်ကို မြင်သော
အခါ စိတ်လှုပ်ရှားစွာဖြင့် နှလုံးခုန်ကြသည်။ ကျွန်ုပ်တို့သည် မေတ္တာနှင့် အလွန်
ရောနှောလုံးပန်းနေရသောကြောင့် မေတ္တာကိုသာ မှီခိုသူများဖြစ်လာပြီး ကျွန်ုပ်တို့
၏ စိတ်ဝိညာဉ်ကိုလည်း မေတ္တာလမ်းစဉ်၌ မြုပ်နှံထားကြသည်။ ကျွန်ုပ်တို့သည်
မေတ္တာအားဖြင့်သာ အသက်ရှင်ကြပြီး မေတ္တာပွားလျက် ဘဝကူးပြောင်းကြသည်။

ဝင်သက်ထွက်သက်တိုင်း နှင့် ကျွန်ုပ်တို့၏ တည်ရှိမှုတစ်ခုလုံး၌ မေတ္တာ
ရှိကြောင်း ခံစားရပြီး မေတ္တာသည်သာ အပူဆုံးဒေသ၌ စိမ်းလန်းစိုပြေသည့် အို
အေစစ်များကို ပေါ်ထွန်းစေသည်။

Ref : Fethullah Gulen=>Love and Tolerance=>Love for Humanity

Related Post

မဟာကရုဏာတော်ရှင်ထံ အသနားခံခြင်း (အပိုင်း-၃)

မဟာကရုဏာတော်ရှင်ထံ အသနားခံခြင်း (အပိုင်း-၃)

အမှန်မှာ လူတစ်ဦးချင်း နှင့် လူမှုရေး အဟန့်အတားတို့မှ လွတ်မြောက် ပြီး ရုပ်နာမ်ဆင်းရဲဒုက္ခ ဝေဒနာများ ပျောက်ကင်းစေမည့် အတိုဆုံးနည်းလမ်းမှာ သူတို့၏ အမြင်အား ဝင်ရောက်စွက်ဖက်နေခြင်း ရပ်တန့်ပြီး…

Leave a Reply

Your email address will not be published. Required fields are marked *