မေတ္တာသည်သာ အောင်နိုင်ခြင်းသာ

မေတ္တာသည်သာ အောင်နိုင်ခြင်းသာ

အချိန်ကြာလာသည်နှင့်အမျှ ရုပ်လောက၏ လှပထည်ဝါမှု၊ ဟိတ်ဟန်
လုပ်ပြသည့် ဘဝနေပုံထိုင်ပုံများ နှင့် ဓနပစ္စည်းဥစ္စာ ပိုင်ဆိုင်မှုများ အားလုံးဆုံးရှုံး
ပျောက်ကွယ်နိုင်ဖွယ်ရှိသော်လည်း နှလုံးသားထဲရှိ မေတ္တာဖယောင်းတိုင်က စဉ်
ဆက်မပြတ် ထိန်လင်းနေပြီး ကျွန်ုပ်တို့၏ နှလုံးသားများနှင့် စိတ်ဝိညာဉ်များကို
လင်းဝင်းတောက်ပစေမည် ဖြစ်ပါသည်။

အကြင်နာတရား၏ ယဇ်ပလ္လင်ရှေ့မှောက်တွင် ဒူးထောက်နေကြသူများ
နှင့် မေတ္တာမျှဝေပွားများရေးအတွက် ဘဝနစ်မြုပ်ထားသူများသည် အလွန်ကံ
ကောင်းသူများဖြစ်ပြီး သူတို့က မိမိတို့ အသက်အန္တရာယ်နှင့် ရင်ဆိုင်ရသည့်
အချိန်မျိုး၌ပင် ရန်လိုမုန်းတီးမှု၊ ကျိန်ဆဲမှု၊ လျှို့ဝှက်ကြံစည်မှုနှင့် ခါးသီးသော ခံ
စားချက်များ မပြောဆို၊ မရည်ရွယ်၊ မခံစားတတ်ကြပေ။ သူတို့သည် မေတ္တာအ
ပြည့်နှင့် ကျိုးနွံစွာ နေထိုင်ကြပြီး မေတ္တာအပြုံးပန်းဖြင့်သာ လူတိုင်းကို နှုတ်ဆက်
ဆက်ဆံကြသည်။ သူတို့၌ ရန်လိုမုန်းတီးမှု ဖြစ်ပေါ်လာသည့်အခါ ချက်ချင်းတွန့်
ဆုတ်၍ မေတ္တာပွားရန်သာ သုခဘုံရောက်ရန် ကြိုးစားသူများနှင့် အပြိုင်အားကျမ
ခံ လုပ်ဆောင်လေ့ ရှိကြသည်။

စေတန်မိစ္ဆာကောင်၏ ပရိယာယ်လှည့်စားမှုများကို တွန်းလှန်ဖြိုခွဲနိုင်
သည့် တစ်ခုတည်းသော အံ့ဖွယ်ဂါထာမန္တာန်မှာ မေတ္တာတရားပင် ဖြစ်သည်။
ရက်စက်ကြမ်းကြုတ်သော ဖါရိုနမရူးဒ်ဘုရင်များ၏ မနာလိုမှု နှင့် ရန်လိုမုန်းတီးမှု
မီးကို တမန်တော်များက မေတ္တာရေအေးဖြင့်သာ ချုပ်ငြိမ်းစေခဲ့သည်။ ချုပ်ကြိုး
ဖြေ၍ လွင့်စင်သွားသည့် စာမျက်နှာကဲ့သို့ စည်းမဲ့ကမ်းမဲ့ ပုန်ကန်လိုစိတ်ပြင်းထန်
သည့် လူရိုင်းများအား လူသားဆန်သည့် အမူအကျင့်များ နှင့် မိတ်ဆက်ပေးရန်
ကြိုးစားသော သူတော်စင်များကလည်း လူတို့အား မေတ္တာအားဖြင့်သာ သွန်သင်
ခဲ့ကြသည်။

မေတ္တာတန်ခိုး ကြီးမားလွန်းသည့်အတွက်ပင် ဟာရူးသ်(Harut) နှင့် မာ
ရူးသ်(Marut)တို့၏ ဂါထာမန္တာန်များ ပျက်စီးစေပြီး ငရဲမီးကိုပင် ထိရောက်စွာ ချုပ်
ငြိမ်းနိုင်စွမ်းရှိသည်။ သို့ဖြစ်၍ မေတ္တာကို ကျည်ကာအဖြစ် ဝတ်ထားသူအဖို့ မည်
သည့် လက်နက်မျိုးကိုမျှ ကြောက်စရာမလိုပေ။ မေတ္တာသည် အမြောက်လက်
နက်ထက် အစွမ်းထက်၏။

Fethullah Gulen (Love and Tolerance)

Related Post

အရှင်မြတ်၏မေတ္တာ (အပိုင်း-၁)

အရှင်မြတ်၏မေတ္တာ (အပိုင်း-၁)

ကျွန်ုပ်တို့၏ စိတ်နှလုံးများ၌ အာဃာတ၊ ရန်လိုမုန်းတီးစိတ်၊ အမုန်းပွား လိုစိတ်များ ထိန်းမရအောင် လွှမ်းမိုးနေသော ဤငြီးငွေ့ဖွယ်ရာ အမင်္ဂလာများ နှင့် ပြည့်နေသည့် ခေတ်တွင် မေတ္တာကရုဏာ နှင့်…

Leave a Reply

Your email address will not be published. Required fields are marked *