အရှင်မြတ်၏မေတ္တာ (အပိုင်း-၁၆)(နိဂုံး)

အရှင်မြတ်၏မေတ္တာ (အပိုင်း-၁၆)(နိဂုံး)

သစ္စာရှိနာခံတော်များသည် တရားအမျှတဆုံး ဖြစ်တော်မူသောအရှင်
အား အရှင့်လမ်းစဉ်ပေါ် အခိုင်အမာ ရပ်တည်၍ လက်တွေ့ကျကျ လုပ်ဆောင်
ခြင်းဖြင့်သာ မှီခိုအားထားပြီး ထိုအရှင်က စကြဝဠာတစ်ခုလုံးအား စိုးမိုးနိုင်
အောင် စွမ်းရည်များ အလုံအလောက် ချီးမြှင့်တော်မူထားသည်ဟု ခံယူလျက်
အံ့ဖွယ်လှုပ်ရှားမှုများဖြင့် မိမိတို့လုပ်ငန်းဆောင်တာများကို အကောင်အထည်
ဖော်ရန် ကြိုးပမ်းကြသည်။ ဤပုဂ္ဂိုလ်များသည် ထူးခြားသော စရိုက်လက္ခဏာ
များရှိသည့် သစ္စာရှိ မေတ္တာရှင်များ ဖြစ်ကြသည်။ သူတို့သည် လုပ်ရပ်တိုင်း
ကို အရှင့်အမိန့်တော်နှင့်အညီ လိုလိုလားလား လုပ်ဆောင်လျက် တစ်ချိန်လုံး
နေစီမီသခင်(Nesimi)မိန့်တော်မူသကဲ့သို့ အရှင့်အပေါ် သစ္စာရှိမှုကို ဖော်ထုတ်
ကြသည်။

အို အချစ်မြတ်နိုးဆုံးအရှင်၊ အရှင့်ကို စွန့်၍ ကျွန်တော်မျိုး မျှော်လင့်ချက်
ကင်းသည့် မေတ္တာရှင်တစ်ဦး မဖြစ်လိုပါ။ အရှင်မြတ်က ကျွန်တော်အား စိတ်
နှလုံးကြေကွဲစေသည့် ဒုက္ခဝေဒနာများ နှင့် ရင်ဆိုင်စေတော်မူသည့်တိုင် မေတ္တာ
ပွားလိုသူသာ ဖြစ်ပါရစေ။

သူတို့သည် မည်သည့်အခက်အခဲမျိုးနှင့် ရင်ဆိုင်ရသည်ဖြစ်စေ အစဉ်အ
မြဲ အရှင့်အမိန့်တော်အတိုင်းသာ စွဲမြဲစွာ လုပ်ဆောင်ကြပြီး မည်သည့်အခါမျှ ညည်းတွားခြင်းမရှိကြပေ။
သူတို့သည် အရှင်သိစိတ်မပြတ် ရှိကြလျက် စိတ်နှလုံး
ထဲမှ အရှင့်အမိန့်တော်အား ဖီဆန်စေမည့် မျှော်လင့်ချက်ဟူသမျှကို ဖယ်ထုတ်
ကြသည်။ သူတို့၏ အပြောအဆိုများသည် ကောင်းကင်တမန်များ၏ အသံကဲ့သို့
နက်နဲသိမ်မွေ့၍ အချစ်မြတ်နိုးဆုံး အရှင်၏ ညွှန်ကြားချက်နှင့် တစ်ထပ်တည်း
ကျသည်။

သူတို့အဖို့ အရှင့်မေတ္တာသည်သာ အရာရာဖြစ်၏။ သူတို့သည် ခန္ဓာ
ကိုယ်မပါဘဲ ရှင်သန်နိုင်သော်လည်း စိတ်ဝိညာဉ်မပါဘဲ မရှင်သန်နိုင်ကြပေ။ သူ
တို့၏ နှလုံးသားများ၌ အချစ်မြတ်နိုးဆုံးအရှင်၏ မေတ္တာသာ ကိန်းအောင်းနေပြီး
တခြားသူတို့အတွက် နေရာမရှိသောကြောင့် ခံယူထားကြသည်။ ဤသို့ဖြင့် သူ
တို့သည် ကမ္ဘာ့အဆင်းရဲဆုံး နှင့် အားအနွဲ့ဆုံးဖြစ်သည့်တိုင် သူတို့၏ အဆင့်အ
တန်းကို ဘုရင်များပင် မနာလိုဖြစ်ကြသည်။ သူတို့၏ ကျိုးနွံမှုတွင် စကြဝဠာတစ်ခု
လုံးအား အမိန့်ပေးနိုင်သည့် မြင့်မြတ်မှု ရှိနေပြီး သူတို့၏ အားနွဲ့မှုတွင် စွမ်းအား
တန်ခိုးကိုလည်းကောင်း၊ သူတို့၏ ချို့တဲ့မှုတွင် လုံလောက်သည့် ဥစ္စာဓနကို
လည်းကောင်း တွေ့ရပါသည်။

သူတို့သည် သေးငယ်သော ဖယောင်းတိုင်များနှင့် ဆင်တူကြသော်
လည်း နေမင်းပေါင်းများစွာ လင်းဝင်းတောက်ပစေရန် စွမ်းအင်အရင်းအမြစ်
အလုံအလောက်ရှိသူများ ဖြစ်ကြသည်။ လူတိုင်းက ထိုသစ္စာရှိ မေတ္တာရှင်များထံ
အပြေးအလွှားလာကြသော်လည်း သူတို့ကမူ အရှင်မြတ်ကို ချစ်မြတ်နိုးသူများပီပီ
အရှင့်အမိန့်တော်အတိုင်းသာ ပြတ်ပြတ်သားသား ရပ်တည်လျက် အားသွန်ခွန်
စိုက် လုပ်ဆောင်နေကြသည်။ သူတို့၏ အရေးအပါဆုံးသော ကိုယ်ကျင့်တရား
နှင့်အတူ စကြဝဠာတစ်ခုလုံးကိုပင် ကြောင်းကျိုးစဉ်းစားဉာဏ်နှင့်အညီ ရှင်းပြရာ
တွင် အသာစီးရကြသည်။

သို့သော် သူတို့သည် အရှင်သိစိတ် မပြတ်ထားလျက် အရှင့်လမ်းစဉ်အ
တိုင်းသာ ဦးတည်၍ ၎င်းတို့၏ တည်ရှိမှုကိုပင် မေ့သွားလောက်အောင် အရေးမပါ
သည့် မီးပွားထက် သေးငယ်သည့် အရာတစ်ခုပမာ ကျိုးနွံစွာဖြင့် အရှင့်ထံသာ အခစားဝင်ကြသည်။

သူတို့အဖို့ အရှင်သိစိတ် မရှိသောဘဝက အချည်းနှီးသာ ဖြစ်သည်။ အရှင်သိစိတ်မပါသည့်
ဘဝမျိုးကို ဘဝဟုပင် မခေါ်နိုင်ပေ။ မေတ္တာပွားလိုစိတ်
မရှိသော ဘဝတည်ဆောက်မှုမျိုးသည် အသုံးမဝင်သည့် ဘဝမျိုးဖြစ်ပြီး အရှင့်အ
မိန့်တော်များ၌ ပျော်ရွှင်နှစ်သိမ့်မှု မခံစားရသူတို့မှာ အာနိသင်မဲ့သည့် ဆေးဝါးကို
မှီဝဲနေသကဲ့သို့ ဘဝ၏ အနှစ်သာရ ပျောက်နေသူများ ဖြစ်ကြသည်။ ဘဝအနှစ်
သာရနှင့် မရင်းနှီး၊ မသိကျွမ်းသူတို့သည် ချစ်ခြင်းမေတ္တာ နှင့် တမ်းတမှုအ
ကြောင်းကို လူသိရှင်ကြား မရပ်မနား ပြောဆိုဆွေးနွေးကြသော်လည်း သူတို့၏
မေတ္တာကို မေတ္တာစစ်ဟု မမှတ်ယူနိုင်ပေ။

Fethullah Gulen (Love and Tolerance – Love of God)

Related Post

သဘောထားကြီးမှု (အပိုင်း – ၁)

သဘောထားကြီးမှု (အပိုင်း – ၁)

နိုင်ငံတစ်နိုင်ငံအနေဖြင့် ကျွန်ုပ်တို့သည် ပြန်လည်ထူထောင်ရေး နှင့် ပြန်လည်နိုးကြားရေးတွင် ဇွဲလုံ့လစိုက်၍ အားသွန်ခွန်စိုက် ကြိုးစား ရမည်ကို ယခင်အတွေ့အကြုံအရ သိရသည်။ ဆန့်ကျင်နှောင့်ယှက် ဟန့်တားမှုများမရှိခဲ့လျှင် လာမည့်နှစ်များသည် ထိုသို့…

Leave a Reply

Your email address will not be published. Required fields are marked *