သဘောထားကြီးမှု (အပိုင်း – ၁)

သဘောထားကြီးမှု (အပိုင်း – ၁)

နိုင်ငံတစ်နိုင်ငံအနေဖြင့် ကျွန်ုပ်တို့သည် ပြန်လည်ထူထောင်ရေး နှင့် ပြန်လည်နိုးကြားရေးတွင် ဇွဲလုံ့လစိုက်၍ အားသွန်ခွန်စိုက် ကြိုးစား ရမည်ကို ယခင်အတွေ့အကြုံအရ သိရသည်။ ဆန့်ကျင်နှောင့်ယှက် ဟန့်တားမှုများမရှိခဲ့လျှင် လာမည့်နှစ်များသည် ထိုသို့ ပြုပြင်ပြောင်းလဲနိုင် မည့်နှစ်များ ဖြစ်လိမ့်မည်။ သို့သော် ပြန်လည်ထူထောင်ရေး နှင့် နိုးကြား စေရေးနည်းစနစ်များ ကွဲပြားခြားနားစွာရှိနေသည်။ လုပ်နည်းလုပ်ဟန်များ ကွဲပြားနေသည်။ ပညာရေး နှင့် ယဉ်ကျေးမှုနယ်ပယ်၌ လွန်ခဲ့သော ရာစုနှစ် အနည်းငယ်အထိ ပြန်လည်ဆန်းသစ်လာခြင်းကို ငြင်းဆိုပယ်ချ လာကြပြီး အပြန်အလှန်သဘောတူညီမှု ရရှိနိုင်သည့် နည်းစနစ်များကို အတည်ပြု လက်ခံကျင့်သုံးစေရန် အခက်အခဲပေါင်းများစွာ ရှိခဲ့သည်။

လူ့အဖွဲ့အစည်းအတွင်း စိမ့်ဝင်လာသော အတွေးအမြင်သစ်များ ၏လုပ်နည်းလုပ်ဟန်ပုံစံများ နှင့် နည်းစနစ်များလည်း ကွဲပြားကြသည်။ သို့ဖြစ်၍ အနာဂတ်နိုင်ငံတော် တည်ဆောက်ရေးတွင် သဘောထားကြီးမှု သည်ကျွန်ုပ်တို့၏ အလုံခြုံဆုံးဖြစ်ရုံမက ဂိုဏ်းဂဏကွဲပြား မညီညွတ်မှု ကြောင့် ဖွံ့ဖြိုးတိုးတက်မှုကို ဟန့်တားစေခြင်းအတွက်လည်း စိတ်အချရ ဆုံးခံတပ်ဖြစ်ပြီး နိုင်ငံအနှံ့၌တွေ့ရသော ဆင်းရဲဒုက္ခအခက်အခဲဟူသမျှ အတွက် အဖြေရှာရာတွင်လည်း အပြန်အလှန်သဘောတူညီမှုများ ရရှိနိုင် သည်။

ကျွန်ုပ်တို့သည် သူတစ်ပါးကို အပြစ်ရှာဝေဖန်ပြစ်တင်လိုစိတ် ကင်းပြီး မတူကွဲပြားသော ဘာသာအယူဝါဒများကို လေးစားလျက် အတတ်နိုင်ဆုံးသည်းခံခွင့်လွှတ်နိုင်သည့် သဘောထားကြီးမှုမျိုးဖြင့် ပြုမူ ဆက်ဆံသင့်သည်။ အမှန်မှာ ကျွန်ုပ်တို့၏ မလွှဲပြောင်းနိုင်သော အခွင့် အရေးများ ချိုးဖောက်ခံရမှု နှင့် ရင်ဆိုင်ရသည့်အခါမျိုး၌ပင် လူသားစံနှုန်း တန်ဖိုးများကို လေးစားသောအားဖြင့် တရားမျှတမှုကိုသာ ဆောက်တည် သင့်သည်။ အယုတ်ညံ့ဆုံးအတွေးအခေါ်များ၊ အရိုင်းပျဆုံးအယူအဆ များ၊ မျှဝေခံစားရန် မဖြစ်နိုင်သည့် အတွေးအခေါ်အယူအဆများ နှင့် ကြုံကြိုက်သည့်အခါ တမန်တော်မြတ်(ဆွ)၏ သတိပေးချက်နှင့်အညီ ဒေါသကို ထိန်းချုပ်လျက် ယဉ်ကျေးစွာဖြင့် ပြုမူဆက်ဆံတုံ့ပြန်သင့်သည်။ ထိုယဉ်ကျေးသိမ်မွေ့မှုကို ကျမ်းမြတ်ကုရ်အာန်၌ လူတို့၏နှလုံးသားများ ကို လွှမ်းမိုးစေသည့် “အကြင်နာစကား”အဖြစ် တင်စားထားပါသည်။

Fethullah Gulen (Love and Tolerance – Tolerance)

Related Post

သဘောထားကြီးမှု (အပိုင်း – ၄)

သဘောထားကြီးမှု (အပိုင်း – ၄)

သို့သော် ကျွန်ုပ်တို့ မည်သည့်အရာကို မျှော်လင့်ပါသနည်း။ မည် သည့်အရာ နှင့် ထိုက်တန်ပါသနည်း ဟူသည်သာ အလွန်အရေးကြီး သည်။ “ကိုယ်ပြုသောကံ၊ ပဲ့တင်သံ၊ ကိုယ့်ထံပြန်လာ၏” ဟူသော…

Leave a Reply

Your email address will not be published. Required fields are marked *