ဆရာကြီးဖသ်ဟွလ္လာဟ်ဂူလန်နှင့် မိတ်ဆက်ပေးခြင်း

ဆရာကြီးဖသ်ဟွလ္လာဟ်ဂူလန်နှင့် မိတ်ဆက်ပေးခြင်း

မစ္စတာဂူလန်သည် ဩဇာတိက္ကမ ကြီးမားသည့် တူရကီလူမျိုး မွတ်စလင်ပညာရှင်၊ တွေးခေါ်ရှင်၊ စာရေးဆရာ၊ ကဗျာဆရာနှင့် ပညာရေးအတွက် တက်ကြွလှုပ်ရှားသူ တစ်ဦးဖြစ်သည်။ သူက ဘာသာပေါင်းစုံ နှင့် ယဉ်ကျေးမှုပေါင်းစုံ ညီညွတ်ရေး၊ သိပ္ပံပညာ၊ ဒီမိုကရေစီနှင့် နာမ်ရေးရာတို့ကို ထောက်ခံပြီး အကြမ်းဖက်မှုနှင့် ဘာသာရေးကို နိုင်ငံရေးအတွေး အတွေးအခေါ် တစ်ရပ်အဖြစ် ပြောင်းလဲမှုတို့ကို ဆန့်ကျင်သည်။ ဂူလန်သည် ငြိမ်းချမ်းသော ကမ္ဘာကြီးတစ်ခု ထူထောင်ရန်နှင့်လူနေမှုစရိုက် မတူသော လူ့အဖွဲ့အစည်းများ ပိုမိုပူးပေါင်း ဆောင်ရွက်ရေးကို ကြိုးပမ်းရင်း တစ်ဖက်တွင်လည်း ယင်းအဖွဲ့အစည်းများ၏ ပဋိပက္ခဖြစ်ပွားမှုကို ဆန့်ကျင်ခဲ့သည်။

“သင့်ရင်ခွင်ကို ပင်လယ်သမုဒ္ဒရာတမျှ ကျယ်ပြောလာသည်ဟု ထင်ရလောက်အောင် သည်းခံပါ။ လူသားတို့၏ ယုံကြည်မှုနှင့် ချစ်ခြင်းမေတ္တာတို့ နှိုးဆော်တိုက်တွန်းပါ။ အတိဒုက္ခရောက်နေသူများကို တွေ့လျှင် ကူညီပါ။ ကိုယ်နှင့်မဆိုင်သလို မနေပါနှင့်။” (ဖသ်ဟွလ္လာဟ်ဂူလန်၏ Criteria or Light of the Way)ဆရာကြီးဂူလန်၏ အမြင်များကြောင့် စိတ်အားထက်သန်လာကြသော ဂူလန်လှုပ်ရှားမှု အဖွဲ့ဟုသိကြသည့် မစ္စတာဂူလန်နှင့် အရပ်ဘက်လူ့အဖွဲ့အစည်းသည် အောက်ပါ အကြောင်းရင်းများကြောင့် သိသာထင်ရှားပြီး အများ၏ အာရုံစိုက်ခြင်းကို ခံယူထိုက်သည်ဟု ကျွန်ုပ်တို့ ယုံကြည်သည်။

၁။ ဆရာကြီး၏ ဩဇာအရှိန်အ၀ါ
***************************************
ဆရာကြီး ဂူလန်ကို ကမ္ဘာ့မွတ်စလင်ဦးရေ၏ ၈၇-၉၀ ရာခိုင်နှုန်းသော စွန္နီမွတ်စလင်များအနက်မှ ဩဇာတိက္ကမကြီးမားသည့် မွတ်စလင်ပညာရှင် တစ်ဦးအဖြစ် တူရကီနိုင်ငံသား မွတ်စလင်များသာမက ကမ္ဘာတစ်ဝန်းရှိ မွတ်စလင်များကပါ သိကြပြီး ကြည်ညို လေးစားကြသည်။ သူသည် တွေးခေါ်ရှင်၊ ကဗျာဆရာ၊ အရေးသွက်သော စာရေးဆရာ၊ပညာရေးအတွက် ဦးဆောင်လှုပ်ရှားသူနှင့် လူထုထောက်ခံမှု ရရှိထားသော ခေါင်းဆောင်တစ်ဦးလည်း ဖြစ်သည်။ တူရကီနိုင်ငံတွင် ဆရာကြီး၏ နောက်လိုက်ဦးရေမှာ သန်းပေါင်းများစွာ ရှိမည်ဟု ခန့်မှန်းရသည်။ သူ့စာအုပ်များကို အင်္ဂလိပ်၊ အာရေဗီ၊ ရုရှား၊ဂျာမန်၊ စပိန်၊ အူရ်ဒူ၊ ဘော့စ်နီးယန်း၊ အယ်လ်ဘေးနီးယန်းနှင့် မလေးအပါအ၀င် နိုင်ငံခြားဘာသာ များစွာသို့ ဘာသာပြန်ဆိုခဲ့ရာ သူ၏ ဩဇာအရှိန်အ၀ါနှင့် ဂုဏ်သတင်းမှာ တူရကီနိုင်ငံ ပြင်ပတွင်ပါ တစ်နေ့တခြား တိုးပွားလာနေသည်။ သူရေးသားထုတ်ဝေခဲ့သည့် စာအုပ်များအပြင် သူ၏ အတွေးအခေါ်များကို ပုဂ္ဂလိက အသံလွှင့်ဌာနနှင့် ရုပ်မြင်သံကြား ဌာနများမှတစ်ဆင့် သူ့အမြင်များအပေါ် စာနာစိတ်ထားကြသော ကမ္ဘာ့ပြည်သူ့ ကွန်ယက်များထံ ထုတ်လွှင့်ပေးလျက် ရှိသည်။

၂။ အကြမ်းဖက်မှုနှင့် အသေခံဗုံးခွဲ တိုက်ခိုက်မှုများအား လူသိရှင်ကြား ဆန့်ကျင်ခြင်း
********************************************************************************
ဘာသာရေး အရေခြုံ အကြမ်းဖက်မှုကို အစဉ်တစိုက် ဆန့်ကျင်လေ့ရှိသူအဖြစ် ဂူလန်အား အသိအမှတ်ပြုကြသည်။ တိတိကျကျ ဖော်ပြရလျှင် ဆရာကြီးသည်- အမေရိကန်ပြည်ထောင်စု၊ နယူးယောက်မြို့ရှိ ကမ္ဘာ့ကုန်သွယ်ရေးဌာန၏ အမွှာမျှော်စင် ပြိုကျပျက်စီးခဲ့ရသော ၂၀၁၁ပြည့်နှစ် စက်တင်ဘာလ ၁၁ရက်က အကြမ်းဖက် တိုက်ခိုက်မှုများ (9/11 attacks)ကို လူသိရှင်ကြား ပြစ်တင် ရှုတ်ချခဲ့သည့် ပထမဆုံးသော မွတ်စလင် ပညာရှင်ဖြစ်သည်။

– အကြမ်းဖက်မှုနှင့် အသေခံဗုံးခွဲ တိုက်ခိုက်မှုများအပေါ် အစ္စလာမ်ဘာသာရေး အတွေးအမြင်နှင့် ပက်သတ်သောအသိပညာပေး စာအုပ်တစ်အုပ်ကို ပုံနှိပ်ထုတ်ဝေနိုင်အောင် ကူညီခဲ့သည်။ ထိုစာအုပ်တွင် လူသားချင်း စာနာမှုနှင့် ဘာသာရေး အကြောင်းပြချက်များဖြင့် ယင်းသို့ အကြမ်းဖက် တိုက်ခိုက်မှုများအား ပြစ်တင် ရှုတ်ချထားသည်။
– ယင်းအမြင်များကို အနောက်တိုင်းရှိ စာဖတ်ပရိသတ်များကို ဖော်ပြရုံမျှမက မွတ်စလင် ထောင်ပေါင်းများစွာ လာရောက်ဝတ်ပြုနေသော ဗလီများအတွင်း၌လည်း အသိပေး ဟောပြောခဲ့သည်။ အသေခံ ဗုံးခွဲတိုက်ခိုက်မှုများကို သူက ပြတ်ပြတ်သားသား ဆန့်ကျင်သည်။
– တူရကီ၊ ဂျပန်၊ ကင်ညာနှင့် အမေရိကန် သတင်းစားများအား လက်ခံတွေ့ဆုံ မေးမြန်းခန်းများ၌ အကြမ်းဖက်လုပ်ရပ်များအား မှန်ကန်သည်ဟု လက်ခံလာစေရန် နိုင်ငံရေး သဘောတရားနှင့် ဘာသာရေး အကြောင်းပြ
ချက်များကို အသုံးပြုမှုအား ဆရာကြီးက ပြောင်ပြောင်တင်းတင်း ရှုတ်ချခဲ့သည်။ ထို့ပြင် နိုင်ငံပိုင် ရုပ်မြင်သံကြား ဆွေးနွေးခန်း များစွာတွင်လည်း သူက ပါဝင်ဆွေးနွေးခဲ့ပြီး ယင်းသို့သော အကြမ်းဖက် လုပ်ရပ်များကို တိကျ ပြတ်သားစွာ ပြစ်တင် ရှုတ်ချခဲ့သည်။

၃။ ဘာသာပေါင်းစုံ ညီညွတ်ရေးတွင် ဦးဆောင်လမ်းပြသူ
********************************************************************
ကြေကွဲဖွယ် ၉/၁၁ အဖြစ်ဆိုးကြီး မတိုင်မီနှစ် အတန်ကြာမှစ၍ ဆရာကြီးဂူလန်သည် ဘာသာပေါင်းစုံနှင့် ယဉ်ကျေးမှုပေါင်းစုံ ညီညွတ်ရေးကို ဆယ်စုနှစ် တစ်ခုကျော်ကြာမျှ တက်ကြွစွာ ကြိုးပမ်း ဆောင်ရွက်ခဲ့သည်။ တူရကီနိုင်ငံတွင်လည်း လူအများစု မွတ်စလင်များနှင့် လူနည်းစု ဘာသာခြားများ ဖြစ်ကြသော ဂရိရှေးရိုး ခရစ်ယာန်၊ အာမေးနီးယန်း ရှေးရိုးခရစ်ယာန်၊ ကက်သလစ် ခရစ်ယာန်ဘာသာဝင်များနှင့် ဂျူးလူမျိုး အသိုင်းအ၀ိုင်းများအကြား အကောင်းမြင် စိတ်ထားဖြင့် ဆက်ဆံလာကြအောင် ကြိုးပမ်း အားထုတ်ခဲ့မှုအတွက် သူ့အား အများက လေးစားကြသည်။ တူရကီနိုင်ငံ ပြင်ပတွင်လည်း သူ၏ ဘာသာပေါင်းစုံ ညီညွတ်ရေး အတွေးအခေါ်များကို အခြေခံ၍ အဖွဲ့အစည်းများ ထူထောင်လာကြပြီး နှစ်ဦးနှစ်ဖက် နားလည်မှုရှိရေး၊ ကိုယ်ချင်းစာနာစိတ်ဖြင့် လက်ခံခြင်း၊ ငြိမ်းချမ်းစွာ အတူယှဉ်တွဲ နေထိုင်ရေးနှင့် ပူးပေါင်း ဆောင်ရွက်ရေးဟူသော တူညီသည့် ရည်မှန်းချက်များဖြင့် စည်းလုံး ညီညွတ်မှု ရရှိရန် ဆွေးနွေးညှိနှိုင်း လျက်ရှိကြသည်။ ဘာသာပေါင်းစုံညီညွတ်ရေးနှင့် အပြန်အလှန် လက်ခံရေးအတွက် သူ၏ ကြိုးပမ်းအားထုတ်မှုကို အသိအမှတ်ပြုသောအားဖြင့် ယခင်ပုပ်ရဟန်းမင်းကြီး ဒုတိယမြောက် ဂျွန်ပေါလ်က ဆရာကြီးအား သီးခြားလက်ခံ တွေ့ဆုံခဲ့ပြီး အစ္စရေးနိုင်ငံ၏ ဂျူးဘုန်းတော်ကြီးများ၏ ဂိုဏ်းချုပ်ကလည်း သူ့အား ဖိတ်ကြားခဲ့သည်။ အလားတူ ခရစ်ယာန်ဘာသာ ဂိုဏ်းခွဲအသီးသီးမှ ခေါင်းဆောင်များကလည်း သူနှင့် တွေ့ဆုံ ဆွေးနွေးခဲ့ကြသည်။

၎။ မတူညီသော ယဉ်ကျေးမှုများ ပူးပေါင်းဆောင်ရွက်ရေး
*********************************************************************
ဆရာကြီးဂူလန်သည် ပဋိပက္ခများကို ဆန့်ကျင်လျက် စေ့စပ်ညှိနှိုင်း ဆွေးနွေးမှု၊ အပြန်အလှန် နားလည်မှုနှင့် တန်ဖိုးများကို အတူတကွ မျှဝေခံစားခြင်း နည်းလမ်းများမှတစ်ဆင့် မတူညီသော ယဉ်ကျေးမှုများ ပူးပေါင်းရေးကို ကြိုးပမ်းဆောင်ရွက်လျက်ရှိသည်။ အရပ်ဘက် လူမှုအဖွဲ့အစည်း တစ်ရပ်၏ အယူအဆရေးရာ ခေါင်းဆောင်တစ်ဦး အနေဖြင့် ဥရောပသမဂ္ဂသို့ ၀င်ရောက်ခွင့်ရရန် တူရကီနိုင်ငံ၏ ကြိုးပမ်းအားထုတ်မှုများအား သူက ထောက်ခံပြီး ယင်းသို့ ၀င်ရောက်ခြင်းသည် နှစ်ဖက်စလုံးကို အကျိုးရှိ စေလိမ့်မည်ဟု ဆိုသည်။

၅။ ကိုးကွယ်ယုံကြည်မှု၏ နာမ်ရေးရာ ဒိုင်မင်းရှင်းအပေါ် အလေးအနက်ထားမှု
************************************************************************************
သူငယ်စဉ်က ဘာသာရေး အဆုံးအမကို ကောင်းစွာ နာယူခဲ့ရခြင်းကြောင့် အစ္စလာမ့် နာမ်ရေးရာ အယူဝါဒအပေါ် သူ၏ အလေးအနက်ထားမှု (အနောက်တိုင်းအခေါ် ဆိုဖီဝါဒ)အတွက် လည်းကောင်း၊ ဤလေးနက်သည့် အယူအဆကြောင့် လူသားအချင်းချင်းအပေါ် ရင်းနှီး ချစ်ခင်သည့် စိတ်ထားရှိခြင်းအတွက် လည်းကောင်း၊ ဂူလန်အား လူသိများကြသည်။ လူသားမျိုးနွယ်နှင့် သက်ဆိုင်သော ပြဿနာများ အားလုံးကို မေတ္တာ၊ ကရုဏာရှေ့ထားလျက် ရိုးသားပွင့်လင်းစွာဖြေရှင်းနိုင်မည့် နည်းလမ်းကို ရှာဖွေပါဟူသော သူ၏ ဟောပြောချက်ကြောင့် သူ့ကို အချို့က ခေတ်သစ် ရူမီ(Rumi)တစ်ဦးအဖြစ် သိကြသည်။ ရူမီ၏ သားစဉ် မြေးဆက်ဝင် တစ်ဦးဖြစ်ပြီး စာရေးဆရာလည်းဖြစ်သော ကွန်လွန်သူ ဆူဖီဓမ္မဆရာကြီး ရှဖိခ်ဂျာန်က သူရေးသားသည့် “ရူမီ၏ ဘ၀နှင့် အဆုံးအမ” အမည်ရှိ စာအုပ်တွင် အမှာစာရေးပေးရန် ဂူလန်အား မေတ္တာရပ်ခံခဲ့ဖူးသည်။ ဂူလန်ကိုယ်တိုင် ရေးသားခဲ့သည့် ဆူဖီဝါဒအကြောင်း နှစ်တွဲပေါင်းစာအုပ်သည် ကမ္ဘာတစ်ဝန်းရှိ ဘာသာရေးအစဉ်အလာများနှင့် ပတ်သက်သော တက္ကသိုလ် သင်ရိုးများအတွက် ကျောင်းသုံး စာအုပ်တစ်အုပ် အဖြစ် ပြဌာန်းခံခဲ့ရသည်။

၆။ သိပ္ပံပညာနှင့် ဘာသာရေးယုံကြည်ချက်တို့ သဟဇာတာဖြစ်မှု
**************************************************************************
သိပ္ပံပညာနှင့် ဘာသာရေး ယုံကြည်ချက်တို့သည် တွဲဖက်၍ ရနိုင်ရုံမျှမက လိုက်ဖက်ညီမှုလည်း ရှိသည်ဟု ဆရာကြီးဂူလန်က ယူဆသည်။ ထို့ကြောင့် လူသားအားလုံး အကျိုးအတွက် သိပ္ပံဆိုင်ရာ သုတေသနနှင့် နည်းပညာ အဆင့်မြင့်မားရေးတို့ကို ကြိုးပမ်း လုပ်ဆောင်ကြရန် သူက တိုက်တွန်း အားပေးလေ့ရှိသည်။

၇။ တွေးခေါ်နိုင်စွမ်း
************************************
အနောက်တိုင်း အစဉ်အလာကို လိုက်သည့် ထိပ်တန်း တွေးခေါ်ရှင်များထဲတွင် ဆရာကြီးသည် အသိပညာ အလွန်ကြွယ်ဝ သူဖြစ်ပြီး ယင်းတို့ကို စာအားဖြင့် ရေးသား ဖေါ်ပြနိုင်သကဲ့သို့ နှုတ်အားဖြင့်လည်း ဟောပြော နိုင်သူဖြစ်သည်။

၈။ ဒီမိုကရေစီလိုလားမှု
**************************
ဒီမိုကရေစီသာလျှင် အုပ်ချုပ်မှုအတွက် ဖြစ်နိုင်ခြေရှိသည့် တစ်ခုတည်းသော နိုင်ငံရေးစနစ်ဖြစ်သည်ဟု ဆရာကြီးဂူလန်က အသိအမှတ်ပြုသည်။ ဘာသာရေးကို နိုင်ငံရေး အတွေးအခေါ် တစ်ရပ်အဖြစ် ပြောင်းလဲ ကျင့်သုံးမှုကို သူက ပြစ်တင်ရှုတ်ချသည်။ နိုင်ငံသားများအားလုံး မိမိ နိုင်ငံ၏ နိုင်ငံရေးလောကတွင် ကိုယ်ပိုင် အသိဖြစ်ပါဝင် တာဝန်ယူကြရန်လည်းသူက တိုက်တွန်းထားသည်။ အုပ်ချုပ်ရေးနှင့် ဆက်စပ်နေသော အစ္စလာမ်သဘောတရားများတွင် လှည့်သာပြောင်းသာရှိမှုများနှင့် စစ်မှန်သော ဒီမိုကရေစီတစ်ရပ်နှင့် ၎င်းတို့၏ တွဲဖက် သုံးစွဲနိုင်မှုတို့ကို သူက အလေးထား ဖေါ်ပြလေ့ရှိသည်။

၉။ လူမှုအခက်အခဲများကို လက်တွေ့ကျကျ ဖြေရှင်းပေးမှုများ
******************************************************************
ဆရာကြီးဂူလန်၏ ဘ၀တွင် စိတ်ဝင်စားဖွယ် အကောင်းဆုံး စွမ်းဆောင်မှုများ၊ သူ၏ မျှော်မှန်းချက်နှင့် အတွေးအခေါ်များသည် အပြောသက်သက် မဟုတ်ဘဲ လူထု အကျိုးပြု စီမံကိန်းများအဖြစ် ကမ္ဘာအနှံ့ အကောင်အထည် ဖေါ်နိုင်ခဲ့သည်ဆိုသော အဖြစ်မှန် ဖြစ်သည်။ အချို့သော ခန့်မှန်းချက်များအရ အထက်တန်းကျောင်းများ၊ တက္ကသိုလ်များနှင့် ဘာသာစကား သင်တန်းကျောင်းများ ကဲ့သို့သော ပညာရေး အဖွဲ့အစည်းများစွာ သူ၏ လှုံ့ဆော်မှုနှင့် စီးပွားရေး လုပ်ငန်းရှင်များ၊ ပရဟိတအကျိုးဆောင် ဆရာများနှင့် စေတနာရှင် မိဘများ၏ ၀ိုင်းဝန်းထောက်ပံ့မှုတို့ဖြင့် ကမ္ဘာတစ်ဝန်းတွင် တည်ထောင်နိုင်ခဲ့သည်။ ယင်းသို့သော ကျောင်းများထဲတွင် တူရကီနိုင်ငံ အရှေ့တောင်ပိုင်းရှိ ကျောင်းများ အာရှအလယ်ပိုင်း၊ အာဖရိကနိုင်ငံအချို့၊ အရှေ့ဖျားဒေသနှင့် အရှေ့ဥရောပရှိ ကျောင်းများ ပါဝင်သည်။ ၎င်းတို့၏ တည်ရှိရာ ဒေသ မတူညီကြသော်လည်း ဤကျောင်းများသည် ဘာသာပေါင်းစုံ သင့်မြတ်မှုနှင့် ယဉ်ကျေးမှုချင်း ဆက်ဆံရေး သင့်မြတ်မှုတို့၏ အမှတ်သင်္ကေတများ ဖြစ်ကြသည်။ လူသားမျိုးနွယ်အတွက် စည်းလုံး ညီညွတ်စွာ အကျိုးဆောင်မှု၏ အမှတ်လက္ခဏာများ ဖြစ်ကြ
သည်။ အထူးသဖြင့် ဖိလစ်ပိုင်၊ တူရကီနိုင်ငံ အရှေ့တောင်ပိုင်းနှင့် အာဖဂန်နစ္စတန် ကဲ့သို့သော ပဋိပက္ခဒဏ်ကို ခံစားနေရသည့် ဒေသများတွင် ဤအဖွဲ့အစည်းများသည် ဆင်းရဲနွမ်းပါးမှု လျှော့ချရေးကို အထောက်အကူပြုနေပြီး ပညာရေး အခွင့်အလမ်းများကို မြှင့်တင်ပေးလျက်ရှိရာ ယင်းနိုင်ငံများတွင် လှုပ်ရှားနေကြသော အကြမ်းဖက်အုပ်စုများ၏ ၀ါဒ ဖြန့်ချီ စည်းရုံးမှုများကိုပါ အရှိန်လျော့သွားစေသည်။ ဤကျောင်းများသည် လူမှုရေး ဟန်ချက်မျှမှု ရရှိစေရန် အထောက်အကူ ပြုရုံမျှမက အပြည်ပြည်ဆိုင်ရာ သိပ္ပံနှင့် သင်္ချာဉာဏ်ရည် ပြိုင်ပွဲများတွင် ထူးချွန်ဆုရ ကျောင်းသားများကိုပါ မွေးထုတ် ပေးနိုင်ခဲ့
သည်။

၁၀။ အခြားသော အရပ်ဘက် အဖွဲ့အစည်း အကျိုးပြုလုပ်ငန်းများ
***************************************************************************
ဆရာကြီး၏ အကြံဉာဏ်များနှင့် တိုက်တွန်း အားပေးမှုတို့ဖြင့် ထူထောင်ထားပါသည်။ အခြားပြည်သူ့ အကျိုးပြု လုပ်ငန်း စီမံကိန်းများတွင် ကယ်ဆယ်ရေး အဖွဲ့အစည်းများ၊ ရေရှည်တည်တံ့မည့် ဖွံ့ဖြိုးရေးအဖွဲ့အစည်းများ၊ သတင်းဌာနများ၊ ပညာရှင်အသင်း အဖွဲ့များနှင့် ဆေးဘက်ဆိုင်ရာ အဖွဲ့အစည်းများ ပါဝင်သည်။

ဒေါက်တာအမ်ဂျတင်မ်၏ “Understanding Fethullah Gulen” စာအုပ်မှ ကောက်နုတ်တင်ပြသည်။

Related Post

သဘောထားကြီးမှု (အပိုင်း – ၁)

သဘောထားကြီးမှု (အပိုင်း – ၁)

နိုင်ငံတစ်နိုင်ငံအနေဖြင့် ကျွန်ုပ်တို့သည် ပြန်လည်ထူထောင်ရေး နှင့် ပြန်လည်နိုးကြားရေးတွင် ဇွဲလုံ့လစိုက်၍ အားသွန်ခွန်စိုက် ကြိုးစား ရမည်ကို ယခင်အတွေ့အကြုံအရ သိရသည်။ ဆန့်ကျင်နှောင့်ယှက် ဟန့်တားမှုများမရှိခဲ့လျှင် လာမည့်နှစ်များသည် ထိုသို့…

Leave a Reply

Your email address will not be published. Required fields are marked *