သဘောထားကြီးမှုကို အခြေခံသော လမ်းစဉ်မှ ပြန်မလှည့်  (ဆရာကြီးဂူလန်)

သဘောထားကြီးမှုကို အခြေခံသော လမ်းစဉ်မှ ပြန်မလှည့် (ဆရာကြီးဂူလန်)

မိုးကောင်းကင်များ၌ သဘောတူလက်ခံထားသည့် အရာများကို ကမ္ဘာဂြိုဟ်၌လည်း အစဉ်အမြဲ အတည်ပြုထောက်ခံကြသည်။ ထိုသို့အပြုသဘောဆောင် ထောက်ခံအားပေးသော လက္ခဏာများကို သိသာထင်ရှားစွာ တွေ့ရသည်။ အထင်ရှားဆုံး လက္ခဏာများမှာ နေရာတိုင်း မေတ္တာ နှင့် သဘောထားကြီးမှုကို ကိုယ်စားပြုသော သူရဲကောင်းများ လှိုက်လှိုက်လှဲလှဲ ကြိုဆိုလက်ခံ ရန်ရှိသမျှ တံခါးများကို ကျယ်ကျယ်ဖွင့်ထားခြင်း ဖြစ်ပါသည်။

သဘောထားကြီးမှုက၎င်း၏ လမ်းစဉ်အတိုင်း ရှင်သန်ဖွံ့ဖြိုးနေသည်ဟု ဆိုနိုင်သည်။ သဘောထားကြီးမှုနှင့်ဆိုင်သော ရာသီခေတ်စားလာ သည်နှင့်အမျှ ဤတိုးတက်မှုများကို နှောင့်ယှက်တားဆီးမည့် သဘောထားကွဲလွဲမှုများကို ချဲ့ထွင်တင်ဆက်မှုများလည်း ရှိမည်မှာ ဧကန်မလွဲပါ။ သို့သော် နှစ်ပေါင်းများစွာ ထောက်ခံအားပေးလာခဲ့ကြသူများနှင့် သီးခြားရပ်တည်ခဲ့သူတို့ကအမြော်အမြင်ကြီးစွာဖြင့် တုံ့ပြန်ပြောဆိုလာပြီးကပ်ဘေးဆိုးတစ်ခုကို ဖယ်ရှားနိုင်ခဲ့ပြီ။

ယခုအချိန်မှစ၍ သဘောထားကြီးမှုကို ဆန့်ကျင်သည့် လျှို့ဝှက်ကြံစည်မှုမြောက်များစွာ ဖန်တီးနိုင်သည့် အလားအလာများ ရှိရုံမက အများပြည်သူတို့၏တည်ငြိမ်အေးချမ်းမှုကို အနှောင့်အယှက်ဖြစ်စေသည့် ကြိုးပမ်းမှုများ ရှိလိမ့်မည်ထင်သည်။ သို့သော် ကျွန်ုပ်တို့က ဤလုပ်ငန်းစဉ်ကို စတင်ခဲ့ပြီဖြစ်၍ အဆုံးခန်းတိုင် ဆက်လက်လုပ်ဆောင်မည်ဟု သန္ဓိဌာန်ချထားရမည်။

ကျမ်းမြတ်ကုရ်အာန်၌ ဖော်ပြထားသည့် လမ်းစဉ်နှင့်အညီ အခိုင်အမာဆုံးဖြတ်ချက်ချ၍ လုပ်ဆောင်ရမည်။ထိုသူတို့သည် လီဆယ်သက်သေလိုက်ခြင်း (မလျှော်ကန်သည့် နေရာသို့ သွားခြင်း) ပြုလုပ်မည် မဟုတ်ပေ။ ထိုမှတစ်ပါး ၎င်းတို့သည် အချည်းနှီးသောအမှုကိစ္စ (အပျော်အပါးနေရာ)၏ အပါးမှ ဖြတ်သွားသောအခါ ကျက်သရေ ရှိရှိဖြတ်သွားကြကုန်၏။ (၂၅း ၇၂)

လူတိုင်းသည် မိမိတို့၏ လုပ်ဆောင်ချက်များ၌ မိမိတို့၏ ကိုယ်ပိုင်အကျင့်စရိုက်ကို ထင်ဟပ်စေ၏။ ပြီးပြည့်စုံသော လူတို့၏တာဝန်မှာ သနားညှာတာစွာ ပြုမူဆက်ဆံရန် ဖြစ်သည်။ အကယ်၍ တစ်ဦးတစ်ယောက်က ကျမ်းမြတ်ကုရ်အာန်ကို ကျီးစား၍ ဝတ်ပြုမှု၊ ဥပုသ်သီလ နှင့် အလှူဒါနတို့၏ အလင်းကို လှောင်ပြောင်ပါက ၎င်းကို ထိုပုဂ္ဂိုလ်၏ အကျင့်စရိုက် နှင့် စတိုင်အား ထင်ဟပ်စေသည့်အမူအကျင့်အဖြစ် သဘောထားသင့်သည်။

ယုံကြည်သူများဖြစ်သည့်အားလျှော်စွာ မိမိတို့ မနှစ်သက်သော လုပ်ရပ်အပြုအမူများဖြင့် ရန်ပြုသူများကိုပင် ရန်လို သူများ၊ အယူသည်းသူများပမာ မတုံ့ပြန်၊ မချေပသင့်ပေ။ ရန်လိုမုန်းတီးမှု နှင့် အယူသည်းမှုကို အလားတူလုပ်ရပ်မျိုးဖြင့် မတုံ့ပြန်သင့်ပေ။ နောက်အာယာသ်တော်တစ်ခု ဤသို့ ဖော်ပြထားသည်။

(အိုတမန်တော်) အသင်သည် (သက်ဝင်ယုံကြည်သူတို့အား) အရှင်မြတ်ပြုလုပ်တော်မူအံ့သော ကိစ္စများ (နေ့ကာလာများ) နှင့်စပ်လျဉ်း၍ ယုံကြည်မျှော်လင့်ထားခြင်းမရှိကြသော သူတို့အား သည်းခံခွင့်လွှတ်ကြရန် ပြောကြားပါလေ။ အရှင်မြတ်သည် လူမျိုးတစ်မျိုးအား ၎င်းတို့ရှာဖွေဆည်းပူးခဲ့ကြသည်များနှင့် စပ်လျဉ်း၍ အစားပေးတော်မူအံ့။ (၄၅း ၁၄)

ဤသည် အမှန်အားဖြင့် ကျွန်ုပ်တို့၏ အမှားအမှန်ကို ခွဲခြားတတ်သောအသိစိတ်မှ ကြွေးကြော်သံသာ ဖြစ်သည်။ အသင်က မျက်ကန်းတစ်ဦးကို တွေ့သောအခါ သူ့ကို ရိုက်နှက်၍ ကန်ထုတ်မည်လား သို့မဟုတ် သူ့လက်ကိုင်၍ လမ်းပြပေးမည်လား။

ဤရှုထောင့်အရ အနာဂတ်ကောင်းစားရေးအတွက် အတွေးအခေါ်များ တွေးတောဖန်တီး၍ အစီအစဉ်များ ချမှတ်ရမည့် တာဝန်မှာ လူ့ဘောင်အဖွဲ့အစည်းအတွင်း ဖရိုဖရဲ ယိုယွင်းနေသည့် အရာများကို လိုက်ဘက်ညီအောင် ဆောင်ရွက်ပြီး ထိခိုက်နစ်နာမှု၏ ဘက်မျှခြေကို မျှမျှတတ ကာကွယ်ရန် နှင့် မနှစ်မြို့ဖွယ်ရာ အဖြစ်အပျက်များကို အမြော်အမြင်ကြီးစွာဖြင့် ကိုင်တွယ်သုံးသပ်ရန် ဖြစ်သည်။ “နှစ်မြို့ဖွယ်ရာများကိုယူပြီး ဝမ်းနည်းကြေကွဲစေမည့် အရာများကို လွှတ်ထားပါ”ဟူသော တူရကီစကားပုံအတိုင်း မနှစ်မြို့၊ မနှစ် သက်သော အရာများတွင်ပါဝင်ပတ်သက်မှု ကင်းရှင်းလျက် အနှောင့် အ ယှက်ဖြစ်စေမည့် အရာများ၊ ပဋိပက္ခဖြစ်စေမည့် အပြော အဆို၊ အပြုအ မူများကို ရှောင်ရှားသင့်သည်။

အကယ်၍ ကျွန်ုပ်တို့က ဤနည်းအတိုင်း ဆက်လက်လုပ်ဆောင်ပါက အချိန်တိုအတွင်းမှာ ယနေ့ကြုံတွေ့နေရသည့် အခြေအနေထက်ပို၍ ဆိုးသည့်အခြေအနေသို့ ရောက်နိုင်ခြေရှိပါလိမ့်မည်။ မှန်ပါသည်။

နိုင်ငံအတွင်းမှာသာမကနိုင်ငံရပ်ခြားများမှာပါ လူ့အဖွဲ့အစည်း၏ ဘက်မျှခြေ ပျက်စီးစေရန် ကြံစည်မှုများမြောက်များစွာ ရှိပါလိမ့်မည်။ သို့သော် သဘော ထားကြီးမှုကို ဆက်လက်ထိန်းသိမ်းနိုင်ရန် ရည်စူး၍ ထိုဘက်မျှခြေကို ကာ ကွယ်ရန်အလို့ငှာ အကြိမ်ပေါင်းများစွာ နာကျည်းမှု ခံစားရသည့်တိုင် စွမ်းစွမ်း တမံ ကြိုးပမ်းရပါလိမ့်မည်။

နေရာတိုင်းမှာ မေတ္တာထားသူများ အလျှံပယ်ပေါများလာပြီး လူတို့၏ မျက်စိများ နှင့် နှလုံးသားများမှ မေတ္တာရေအေး စီးဆင်းလာပါလိမ့်မည်။ လူတိုင်းက လူတစ်ဦးအပေါ်တစ်ဦး မေတ္တာရှေ့ထား၍ ပြုမူဆက်ဆံပါ လိမ့် မည်။ အရှင်မြတ်အလိုတော်တူလျှင် (၂၁)ရာစုသည် သဘောထားကြီးမှုကို ကိုယ်စားပြုမည့်ခေတ်ကြီး ဖြစ်လာပါလိမ့်မည်။

ထိုသို့ သည်းခံခွင့်လွှတ်သော ခေတ်ကြီး အမြန်အဆန်ရောက်လာစေရန် ကျွန်တော်အလွန် စိတ်အားထက် သန် လျက်ရှိသည်။ သဘောထားကြီးမှုကို တစ်နှစ်တစ်နှစ်လောက် ထိန်းထားနိုင်ရုံဖြင့် မလုံလောက်ပါ။ရာစုနှစ်(၁)ခု သို့မဟုတ် (၂)ခုတိုင် တည်တံ့ အောင် လုပ်ဆောင်ရန် သန္ဒိဌာန်ချထားပါသည်။ အမှန်မှာ ကမ္ဘာပျက်မည့် နေ့အထိ တည်တံ့ရန် လိုလားပါသည်။ ကျွန်ုပ်တို့က ထိုသဘောထားကြီးသော ခေတ်ကြီး၏ အကျိုးဆက်ကို တွေ့ကြုံခံစားလိုကြပြီး ဤလမ်းစဉ်မှ နောက်ပြန် ဆုတ်လိုသည့် ရည်ရွယ်ချက် လုံးဝ မရှိချေ။

Related Post

မဟာကရုဏာတော်ရှင်ထံ အသနားခံခြင်း (အပိုင်း-၅)

မဟာကရုဏာတော်ရှင်ထံ အသနားခံခြင်း (အပိုင်း-၅)

တခြားလူတို့၏ ကယ်တင်ရေးအတွက် မဟုတ်ဘဲ လူတစ်ဦးချင်းစီ၏ တိုးတက်အောင်မြင်ရေးအတွက် စီမံကိန်းများ ရေးဆွဲပြီး စနစ်တကျ ဆောင်ရွက် နေသည့် ပုဂ္ဂိုလ်များသည် လှည့်စားမှုခံရရုံမက တစ်ဦးချင်းစီ နိုးကြားမှု ဆုတ်…

Leave a Reply

Your email address will not be published. Required fields are marked *